Rasiejskija desantniki ŭ najnoŭšym abmundziravańni «Ratnik».
Z Pskova ŭ Brest pryjechali kantraktniki z bajavym dośviedam.
Kiravaŭ rasiejskimi desantnikami na vučeńniach zamkamandzira Pskoŭskaj dyvizii pałkoŭnik Siarhiej Razancaŭ.
Ekipiroŭka biełaruskaha desantu.
Maskiroŭka.
Ad 14 da 16 krasavika na palihonie «Brescki» prachodziła taktyčnaje vučeńnie mabilnaha bataljona 38-j asobnaj hvardziejskaj mabilnaj bryhady US Biełarusi. U im uziali ŭdzieł vajskoŭcy parašutna-desantnaha pałka 76-j hvardziejskaj desantna-šturmavoj dyvizii PDV US Rasii (h. Pskoŭ).
Ahulnym likam u vučeńniach uziali ŭdzieł 400 desantnikaŭ, paviedamlaje «Viečiernij Briest». Jak paviedamlajecca, z Rasii dla ŭdziełu ŭ vučeńniach pryjechali nie sałdaty terminovaj słužby, a byvałyja kantraktniki, častka jakich prajšła słužbu ŭ haračych kropkach.
Uraziła i ekipiroŭka rasijskich desantnikaŭ — kompleks «Ratnik». Šmatsłojny šlem, jaki vytrymlivaje traplańnie pistaletnaj kuli ź blizkaj adlehłaści, maska, broniekamizelka, sistema «navihacyi» i suviazi, aŭtamat, kulamiot abo snajpierskaja vintoŭka. Sistema dazvalaje pieradavać infarmacyju pra miescaznachodžańnie sałdata na poli boju, ciepłavizijny pryceł zabiaśpiečvaje vyjaŭleńnie i viadzieńnie prycelnaha ahniu ŭ luby čas sutak, u luboje nadvorje. Jość aktyŭnyja navušniki, jakija dazvalajuć mieć znosiny padčas boju … Kambiniezon i akulary abaraniajuć ad askiepkaŭ hranat, min abo snaradaŭ. Raspracoŭki desantnaha ryštunku viali dziasiatki rasijskich abaronnych pradpryjemstvaŭ.
Štości padobnaje, tolki biez znakaŭ adroźnieńnia, było na «zialonych čałaviečkach» padčas krymskich padziej. Pobač z rasijskimi «transformierami» biełaruski desant u šlemach uzoru 2-j suśvietnaj i maskiroŭkaj z sałomy hladzieŭsia biednavata.
Adpracoŭvali na palihonie padaŭleńnie «niezakonnych uzbrojenych bandfarmavańniaŭ».
