U Minsku raspačataja kryminalnaja sprava pa č. 4 art. 209 KK (machlarstva, ździejśnienaje ŭ asabliva bujnym pamiery) u dačynieńni da niekalkich zasnavalnikaŭ i supracoŭnikaŭ dvuch staličnych aŭtachaŭsaŭ.
Jak paviedamiŭ BiełaPAN aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ, vyśvietlena, što, prymajučy mašynu na kamisiju i realizoŭvajučy jaje trecim asobam, padazravanyja addavali paciarpiełym tolki častka prybytku ad ździełki, a astatnija hrošy tracili na asabistyja patreby. A paciarpiełym złamyśniki tłumačyli, što nie mohuć viarnuć usiu sumu za aŭtamabil z-za finansavych ciažkaściaŭ kampanij.
Pa takoj schiemie padazravanyja dziejničali ad kastryčnika 2014 da lutaha 2015 h. Padmanutymi byli bolš za 20 hramadzian. Papiaredniaja suma škody ad złačynnaj dziejnaści padazravanych składaje nie mienš za 3 młrd rubloŭ.
Rasśledavańnie kryminalnaj spravy daručana śledčaj hrupie ź liku najbolš vopytnych śledčych.
Padstavaj da pačatku kryminalnaj spravy pasłužyli materyjały pravierki, praviedzienaj supracoŭnikami Centralnaha RUUS Minska.
