Biełaruś prypyniła pačatyja ŭ krasaviku pastaŭki naftapraduktaŭ na rasijski rynak z-za paharšeńnia cenavaj kanjunktury, paviedamiŭ siońnia vice-premjer RB Uładzimir Siamaška.
«Jak pastaŭlać, kali suma strat pry pastaŭkach naftapraduktaŭ vyšejšaja, čym suma prybytku», — adkazaŭ Siamaška na pytańnie žurnalistaŭ.
«U nas jość prava nie pastaŭlać naftapradukty, kali košt na ich nižejšy za siaredniejeŭrapiejski. I my hetym pravam karystajemsia», — nahadaŭ jon.
Rasijskija ŭłady ŭžo nieadnarazova paćvierdzili, što nie majuć pretenzij da biełaruskaha boku z-za nievykanańnia apošnim svajho abaviazacielstva pa pastaŭkach naftapraduktaŭ na rasijski rynak.
Pavodle słoŭ Siamaški, vynikovy abjom pastavak naftapraduktaŭ u Rasiju budzie zaležać ad cany na rasijskim rynku.
«Budzie ŭsio vyznačać rynak. Takich žaleznych patrabavańniaŭ, što my pavinny za 3,1 młn t pastavić, niama. Bałansy majuć indykatyŭny pryncyp. Pakul bałansy vykonvajucca», — skazaŭ vice-premjer.