Ukrainski sajt «Miratvorac» pavysiŭ naviedvalnaść dziakujučy rekłamie sieparatystaŭ i apazicyjanieraŭ.
Takoje mierkavańnie vykazaŭ savietnik ministra ŭnutranych spraŭ Ukrainy Anton Hieraščanka. Jon adznačyŭ, što za apošnija dni sajt naviedała vialikaja kolkaść rasijskich terarystaŭ i najmitaŭ, jakija vajavali suprać Ukrainy. Nazirajecca cikavaść i z boku tych, chto prosta chacieŭ pašukać siabie i svaich znajomych u bazie dadzienych Ukrainy, sabranaj pa ŭsich, chto vykonvaŭ suprać jaje niezakonnyja dziejańni.
Takim čynam, śpiecapieracyju «Hiulčataj, adkryj «ličku»» možna ličyć paśpiachovaj, adznačyŭ Hieraščanka i rastłumačyŭ, što meta apieracyi zvodziłasia da taho, kab zarehistravać jak maha bolšuju kolkaść złačyncaŭ — terarystaŭ, najmitaŭ, sieparatystaŭ — z tych, chto zachodziŭ na sajt. Šukajučy dadzienyja pra siabie, jany ŭvodzili asabistuju infarmacyju, jakaja i zachoŭvałasia ŭ bazie dadzienych sajta.
