U Minsku prajšoŭ IX čarhovy źjezd hramadskaha abjadnańnia «Biełaruskaja asacyjacyja žurnalistaŭ» (BAŽ). Žanna Litvina nie vystaŭlała svajoj kandydatury na pasadu staršyni na čarhovy termin.
Na źjezd, jaki prajšoŭ u hateli Crown Plaza, pryjechała 87 z 88 delehataŭ, vyłučanych rehijanalnymi filijałami asacyjacyi i asobnymi redakcyjami.
U BAŽ uvachodziać 1150 čałaviek.
Napiaredadni źjezda niaźmienny kiraŭnik BAŽ Žanna Litvina zajaviła, što nie budzie vyłučać svaju kandydaturu na pasadu staršyni.
Delehaty źjezda ŭstali, kab padziakavać spadaryni Litvinoj vopleskami za doŭhuju addanuju pracu.
«Ja biaskonca ŭdziačnaja maim kaleham, jakija na minułym źjeździe mianie padtrymali i adekvatna pastavilisia da toj chvali dyskredytacyi, jakaja była raźličana na razvał arhanizacyi, — skazała Litvina ŭ intervju časopisu «Abažur», jaki vypuskaje BAŽ. — Ale isnuje «zakon hramadskaj stomlenaści». Ja adčuvaju, što hety krok ciapier prosta nieabchodny. Kab zachavać pavahu da siabie, navat z ulikam taho, što BAŽ — nieadjemnaja častka majho žyćcia».
Na prapanovu Rady novym kiraŭnikom arhanizacyi byŭ adzinahałosna abrany namieśnik Žanny Litvinoj Andrej Bastuniec.
Namieśnikami staršyni arhanizacyi byli abranyja Alaksandr Starykievič («Salidarnaść»), Śviatłana Kalinkina («Narodnaja vola» / «Biełsat»), Michaś Jančuk («Biełsat») i Alina Suraviec (BAŽ).
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie3
Kamientary