Nacyjanalny bank Biełarusi paśladoŭna ruchajecca ŭ napramku dalejšaha ŭzmacnieńnia hnutkaści abmiennaha kursa.
Ab hetym BIEŁTA paviedamili va ŭpraŭleńni infarmacyi i hramadskich suviaziej Nacbanka pa vynikach pašyranaha pasiadžeńnia praŭleńnia.
U pryvatnaści, viadziecca surjoznaja padrychtoŭčaja rabota pa pierachodzie da miechanizmu praviadzieńnia valutnych tarhoŭ u formie bieśpierapynnaha dvajnoha aŭkcyjonu.
Pryniatyja ŭžo miery makraekanamičnaj karekciroŭki, u tym liku pierachod da bolš hnutkaj kursavoj palityki, sadziejničali stabilizacyi situacyi na valutnym rynku. Pry hetym čystaje prapanavańnie zamiežnaj valuty sfarmiravała dadatnaje salda valutnych interviencyj Nacyjanalnaha banka za pieršy kvartał 2015 hoda, prainfarmavali va ŭpraŭleńni.
Jak adznačałasia na pasiadžeńni, hrašova-kredytnaja palityka ŭ pieršym kvartale była nakiravana, hałoŭnym čynam, na padtrymańnie makraekanamičnaj ustojlivaści i zapavoleńnie inflacyi. Dynamika spažyvieckich cen nie vychodziła za miežy ŭstanoŭlenaha metavaha paramietra na 2015 hod - 18 pracentaŭ z dapuščalnym adchileńniem u pamiery 2 pracentnyja punkty.
Pryrost spažyvieckich cen u pieršym kvartale skłaŭ 4,9%, što adpaviadaje anałahičnamu pakazčyku za taki ž pieryjad minułaha hoda. U hadavym vyražeńni inflacyja ŭ sakaviku viarnułasia da ŭzroŭniu śniežnia 2014 hoda - 16,2%.
Strymalnaje ŭździejańnie na inflacyjnyja pracesy akazvali miery ekanamičnaj palityki, nakiravanyja na aptymizacyju ŭnutranaha popytu, i abmiežavańnie hrašovaha prapanavańnia z boku Nacyjanalnaha banka. Dynamika pramiežkavaha aryjencira manietarnaj palityki - pryrostu siaredniaj šyrokaj hrašovaj masy - u pieršym kvartale ŭ cełym znachodziłasia ŭ ramkach prahnoznaj trajektoryi dasiahnieńnia ŭstanoŭlenych paramietraŭ. «U dalejšym Nacyjanalny bank pradoŭžyć tarhietavać abjom hrašovaha prapanavańnia takim čynam, kab inflacyja nie pieravysiła ŭstanoŭleny prahnozny paramietr», - padkreślili va ŭpraŭleńni infarmacyi i hramadskich suviaziej rehulatara.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary