U rejtynhu samych ščaślivych krain Biełaruś abahnała Polšču, Rasiju i Ukrainu
Biełaruś zaniała 59-je miesca ŭ rejtynhu samych ščaślivych krain śvietu. Takija źviestki pryvodziacca ŭ novym dakładzie World Happiness Report, padrychtavanym amierykanskimi daślednikami pa zamovie AAN.
Tut.by
Pry składańni rejtynhu ŭličvalisia takija pakazčyki, jak uzrovień VUP na dušu nasielnictva, čakanaja praciahłaść žyćcia, uzrovień davieru ŭ hramadstvie, najaŭnaść svabody vybaru, uzrovień karupcyi i ščodraść. Daśledčyki abapiralisia na dadzienyja apytańniaŭ, jakija pravodziŭ Amierykanski instytut hramadskaj dumki Hełapa.
Pieršy rejtynh samych ščaślivych krain śviet byŭ składzieny ŭ 2012 hodzie, druhi - u 2013 hodzie, a ciapier padviedzieny vyniki treciaha daśledavańnia.
Biełaruś zajmaje 59-y radok, Pierad nami Małdova — 53-ja i Litva — 56-ja, za nami: Polšča — 60-ja, Rasija — 64-ja, Estonija — 73-ja, Łatvija — 89-ja, Ukraina tolki 111-ja.
Samaj ščaślivaj krainaj śvietu stała Šviejcaryja, u TOP-5 trapili Isłandyja, Danija, Narviehija i Kanada. U pieršuju dziasiatku rejtynhu ŭvachodziać Finlandyja, Niderłandy, Šviecyja, Novaja Ziełandyja i Aŭstralija.
Usiaho ŭ śpisie — 158 krain.
Samaj niaščasnaj krainaj śvietu pryznana afrykanskaja dziaržava Toha. U samym nizie śpisu taksama znachodiacca Afhanistan, Siryja, Burundzi, Bienin, Ruanda, Burkina-Faso, Kot-dJIvuar, Hvinieja i Čad.
ZŠA ŭ rejtynhu samych ščaślivych krain śvietu zajmajuć 15-je miesca, Izrail — 11-je, Mieksika — 14-je, Kosta-Ryka — 12-je, Aŭstryja — 13-je, Vialikabrytanija — 21-je, Bielhija — 19-je, AAE — 20-je, Hiermanija — 26-je, Kazachstan — 54-je.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary