Prynamsi 15 palicejskich u amierykanskim horadzie Bałtymar atrymali ranieńni ŭ sutyknieńniach z demanstrantami, paśla taho jak pachavańnie afraamierykanca Fredzi Hreja pierarasło ŭ stychijnuju akcyju pratestu.
AP
Hubiernatar štata Merylend Łary Chohan abviaściŭ nadzvyčajnaje stanovišča i pryvioŭ u dziejańnie nacyjanalnuju hvardyju štata, jakaja pavinna dapamahčy palicyi adnavić paradak u Bałtymary.
Mer horada Stefani Roulinhs-Błejk zajaviła, što ŭ aŭtorak z 10 viečara da 5-j ranicy pa miascovym časie budzie dziejničać kamiendanckaja hadzina.
«Heta aznačaje, što kali vy znachodziciesia na vulicy ŭ hetym čas, to heta moža być tolki pa adnoj ź dźviuch pryčyn: albo ŭ vas ekstranaja situacyja miedycynskaha charaktaru, albo vy idziacie na pracu», — udakładniła jana.
Kamiendanckaja hadzina budzie dziejničać tydzień.
Na videazapisach, zroblenych ź viertalotaŭ, na vulicach bačnyja dziasiatki ludziej, jakija ŭstupajuć u sutyknieńni z palicyjaj.
Demanstranty kidali ŭ palicyjantaŭ kamiani i butelki.
Palicyja aryštavała prynamsi 27 čałaviek.
Z nadychodam ciemry pačaŭsia mocny pažar u budynku na ŭschodzie Bałtymara, niadaŭna pabudavanym (a pa inšych dadzienych jašče navat nie dabudavanym) dla roznych sacyjalnych ustanoŭ.
Pres-sakratar bałtymarskaha mera Kievin Charys zajaviŭ, što hety pažar źviazany ź biesparadkami i što ŭ budynku raźmiaščaŭsia centr padtrymki moładzi i siemjaŭ.
Ciemnaskury 25-hadovy žychar Bałtymara Fredzi Hrej atrymaŭ surjoznyja i da hetaha času nie rastłumačanyja traŭmy šyi pry zatrymańni palicyjaj, paśla čaho pamior u balnicy. Jaho śmierć vyklikała pratesty ŭ horadzie.
Pratestoŭcy pačali 19 krasavika marš ź miesca, dzie 12 krasavika byŭ aryštavany Hrej. Pa viersii palicyi, Hrej, idučy pa vulicy i sustreŭšysia pohladam z palicejskim patrulom i raptam kinuŭsia biehčy. Kali jaho dahnali i źmiaścili ŭ palicejski furhon, jon nibyta pačaŭ pavodzić siabie bujna, i tady jaho zakavali ŭ kajdanki pa rukach i nahach.
Pakul nie jasna, kali i jak mienavita Hrej atrymaŭ surjoznyja traŭmy šyi i chrybietnika, ad jakich trapiŭ u komu i praz tydzień pamior.
Raniej advakat siamji Hreja Uiljam Merfi paviedamiŭ, što chrybietnik jaho padabaronnaha byŭ praktyčna razarvany. Ułady horada paabiacali pravieści rasśledavańnie.
-
Paśla pravalnych teledebataŭ Džo Bajden paabiacaŭ bolš spać i nie chadzić na viačernija mierapryjemstvy
-
«Nie źviartać uvahi na mierkavańni marali na karyść kreatyŭnaści». Uzłamana pierapiska supracoŭnikaŭ rasijskaj raźviedki
-
Siarod rasijan zafiksavali rost kolkaści prychilnikaŭ mirnych pieramovaŭ z Ukrainaj
Tracina pamiłavanych palitviaźniaŭ i tak pavinny byli vyjści na svabodu ciaham miesiaca5
Tracina pamiłavanych palitviaźniaŭ i tak pavinny byli vyjści na svabodu ciaham miesiaca
Biełaruskaja aktrysa, jakaja syhrała palitźniavolenuju Kaciarynu Andrejevu, adčyniła kniharniu va Urocłavie3
Kamientary