Junkier admoviŭsia aficyjna pryznać Ukrainu «jeŭrapiejskaj dziaržavaj»
Prezident Jeŭrapiejskaj kamisii Žan-Kłod Junkier admoviŭsia nazvać Ukrainu jeŭrapiejskaj dziaržavaj, kab praduchilić pryznańnie prava Ukrainy padavać zajaŭku na siabroŭstva ŭ ES.
Heta adbyłosia na pres-kanfierencyi pa vynikach samitu Ukraina—ES u Kijevie, paviedamlaje Jeŭrapiejskaja praŭda.
Pra toje, što Ukraina maje namier padać takuju zajaŭku, paviedamiŭ prezident Piotr Parašenka.
Jak viadoma, statutnyja dakumienty ES utrymlivajuć abmiežavańni — zajaŭku na atrymańnie siabroŭstva mohuć padavać tolki «jeŭrapiejskija dziaržavy». Jeŭrasajuz paźbiahaje takoha vyznačeńnia ŭ dakumientach, jakija tyčacca Ukrainy.
Padčas pres-kanfierencyi Junkier admoviŭsia naŭprost adkazvać na pytańnie, ci źjaŭlajecca Ukraina jeŭrapiejskaj dziaržavaj, ale nie vyklučyŭ, što ES zrobić takoje pryznańnie paźniej.
«Na moj pohlad, Ukraina — častka jeŭrapiejskaj siamji. Nie afrykanskaj, a jeŭrapiejskaj», — paźbieh jon užyvańnia takoha termina, častkova paŭtaryŭšy svaju papiaredniuju zajavu.
U toj ža čas, prezident Parašenka nastojvaje, što Ukraina maje prava padać takuju zajaŭku.
«49 artykuł damovy daje prava ŭsim jeŭrapiejskim krainam padavać zajaŭku na atrymańnie siabroŭstva ŭ ES, a Ukraina — heta jeŭrapiejskaja kraina», — padkreśliŭ prezident Ukrainy.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary