Aŭtamabil łatvijskaha pasolstva byŭ našpihavany kantrabandnymi cyharetami
U minułuju niadzielu na pamiežnym pierachodzie ŭ Miednikach (Miadzininkaj) litoŭskija mytniki zatrymali kantrabandnyja cyharety, jakija znachodzilisia ŭ dypłamatyčnym aŭtamabili Łatvii.
26 krasavika mytniki paprasili kiroŭcu aŭtamabila Audi pakazać, jakija tavary viazuć u mašynie. Hramadzianin D.U. adkryŭ bahažnik, adnak, prykryvajučysia dypłamatyčnaj niedatykalnaściu, nie dazvoliŭ praviarać, što lažyć pad kavałkam materyi.
Mytnik akazaŭsia pryncypovym i vyklikaŭ na KPP pradstaŭnika ambasady, jaki daŭ dazvoł na pravierku aŭtamabila. Paśla taho jak mašyna prajšła renthienaŭski kantrol, padazreńni paćvierdzilisia — vyśvietliłasia, što ŭ mašynie jość kantrabandnyja tavary.
U mašynie lažała 12 skryniaŭ cyharet Winston Blue — u bahažniku pad materyjaj, u valizkach i darožnych torbach. Košt cyharetaŭ moža składać kala 14 000 jeŭra..
U dačynieńni da D.U. byŭ składzieny pratakoł ab administracyjnym pravaparušeńni za nievykanańnie zakonnych patrabavańniaŭ mytnikaŭ. Kryminalnaja słužba mytni rasśleduje fakt kantrabandy.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary