Bijołahi navučylisia adklučać adčuvańnie hoładu
Pakul hoład i sytaść navučylisia kantralavać u myšej, ale ŭžo pracujuć nad lekami dla čałavieka.
Mižnarodnaja hrupa navukoŭcaŭ znajšła ŭ mozhu čałavieka asablivy rehijon, što adkazvaje za sihnały hoładu i sytaści. Ekśpierymienty pakazali, što hoład možna adklučyć, pišuć daśledčyki ŭ časopisie Nature Neuroscience.
Adčuvańnie sytaści atrymałasia paśpiachova adklučyć u myšej. Zatym było dasiahnuta i advarotnaje — u myšej adklučyli adčuvańnie hoładu.
Hrupa Bredfarda Łoŭeła z Harvardskaha ŭniviersiteta (ZŠA) apošnija 20 hod daśleduje častki mozhu, mierkavana źviazanyja z adčuvańniami i rysami čałavieka.
U hipatałamusie jany znajšli asablivuju hrupu AgRP-niejronaŭ, što adkazvajuć za źviazanyja ź ježaj adčuvańni. Uklučyć hetyja niejrony, adklučyŭšy adčuvańnie sytaści, atrymałasia chutka.
Značna paźniej atrymałasia vyłučyć hrupu MC4R-niejronaŭ u inšaj častcy hipatałamusu. Ich vyklučeńnie ŭ myšej pryviało da taho ž efiektu, što i ŭklučeńnie AgRP-niejronaŭ — myšy pačali bieśpierapynna jeści. Ich prymusovaje ŭklučeńnie dała čakany advarotny vynik.
Navukoŭcy dazvolili myšam «samastojna» ŭklučać MC4R-niejrony. Dakładniej, MC4R-niejrony prymusova ŭklučali, kali myšy zachodzili ŭ admysłovy pakojčyk u kletkach. Myšy pravodzili ŭ pakojčyku bolšuju častku času, kali doŭha nie jeli. Ale kali jeli niadaŭna, nie prajaŭlali cikaŭnaści da pakoju, što «ŭklučaje» MC4R-niejrony.
Hrupa Łoŭveła siońnia pracuje nad lekami dla čałavieka, zasnavanymi na pracy niejronaŭ u hałaŭnym mozhu.
Kali atrymajecca vyrabić takija leki biez pabočnych efiektaz, jany stanuć alternatyvaj dyjetam u baraćbie ź lišnimi kiłahramami.
Čytajcie taksama: Hienietyki patłumačyli miechanizmy anareksii i atłuścieńnia
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary