Prajekt Angst pradstaŭlaje svoj pieršy trek «Niama kachańnia», zapisany pry ŭdziele Alesia Kata-Zajcava. Vykanaŭca asensoŭvaje stasunki maładoj pary ŭ toj momant, kali stomlenaść adno adnym užo naźbirałasia.
Pieśnia «Niama kachańnia» była napisanaja na pačatku 2014-ha hodu na bit Kurguz prod. (sempł — z treku małazijskaj śpiavački Yuna «Lullabies»). Repier Angst pryznajecca, što kampazycyja vyjšła takim sabie «frankienštejnam» ci «pieršym blinom»: pačatkovy kuplet zadumvaŭsia jak haściavy dla inšaha treka, bit pad jaho adšukaŭsia paźniej i tady ž byŭ napisany druhi kuplet z prypievam. Zapis pieśni rabiŭsia na adnoj studyi, źviadzieńnie i majstarynh — na druhoj. U finalnuju versiju ŭvajšła čaćviortaja versija prypieva, vykananaja lidaram hurta BosaeSonca Alesiem Katom-Zajcavym. Pa vyniku ž – vyjšoŭ hustoŭny i šykoŭny rep.
Aŭtar kaža, što ŭ svaim tvory jon biarecca asensavać stasunki maładoj pary ŭ toj momant, kali stomlenaść adno adnym užo naźbirałasia, ale čas rasstaŭleńnia kropak nad «i» ŭ suviazi z hetym jašče nie pryjšoŭ dy čakajecca ŭ bližejšaj budučyni.
Pakul ža – maski napusknoha spakoju i śniehavy kom ź niaŭkludnych słovaŭ i dziejańniaŭ, što tolki padlivajuć aleju ŭ ahoń.
Angst – pradstaŭlaje novaje pakaleńnie biełaruskaj rep-muzyki. Prajekt utvorany ŭ Miensku ŭ 2014 hodzie Vitalom «Anhstam». Upieršyniu zajaviŭ pra siabie u trybjucie «Re:Pieśniary» ŭ sumiesnaj z SP Kava pieśni«Dumali». Taksama adznačyŭsia haściavym kupletam u jaho relizie «jaMy» (2015). Trek «Niama kachańnia» – jaho poŭnapraŭny debiut. Vykanaŭca maje materyjału na albom, jaki rychtuje sioleta da vydańnia.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)