Ministr zamiežnych spraŭ Čechii Lubamir Zaarałek raskrytykavaŭ zajavy ŭpaŭnavažanaha pradstaŭnika češskaha ŭrada pa pytańniach enierhietyčnaj biaśpieki Vacłava Bartuški adnosna trahiedyi 2 maja 2014 hoda ŭ Adesie, pieradaje RIA «Naviny».
«Bartuška vykarystoŭvaje interpretacyju, jakaja niapravilnaja faktyčna i nie moža mieć maralnaha apraŭdańnia. Supracoŭniku MZS niedapuščalna havaryć ab padpale i zabojstvie ludziej jak ab dastupnym mietadzie vyrašeńnia kanfliktu», — napisaŭ Zaarałek ŭ siabie ŭ tvitary.
U piatnicu Bartuška zajaviŭ u intervju partału Neovlivní.cz, adkazvajučy na pytańnie ab mahčymym źjaŭleńni rasijskich vajskoŭcaŭ biez apaznavalnych znakaŭ u krainach Bałtyi: «Kali svoječasova procidziejničać im, jak, naprykład, u Adesie, dzie ich paprostu spalili žyŭcom, abo ŭ Dnieprapiatroŭsku, dzie ich zabili i pachavali ŭzdoŭž darohi, usio budzie spakojna. Kali hetaha nie zrabić, čakajcie vajny. Voś i ŭsio».
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary