Bajkiery z kłuba «Načnyja vaŭki» źbirajucca dabracca da Bierlina ciaham dvuch dzion. Jak mienavita jany tudy trapiać, lidar «vaŭkoŭ» Alaksandr «Chirurh» Załdastanaŭ nie staŭ raskazvać.
fota «Briestskoj haziety»
Pa słovach Załdastanava, jaki prybyŭ u aŭtorak u Brest, bajkieram pryjdziecca chavać hetuju infarmacyju, kab damahčysia svajoj mety. Joju Załdastanaŭ nazyvaje dastaŭku ŭ Bierlin pasłańnia vieteranam Hiermanii ad rasijskich vieteranaŭ z Arła.
U paniadziełak hrupa bajkieraŭ pasprabavała trapić u Polšču. Paśla troch hadzin pravierki na punkcie pamiežnaha propusku «Terespal» polski bok raźviarnuŭ nazad dziesiać matacykłaŭ, dva mikraaŭtobusy i lehkavoje aŭto, što supravadžała ŭdzielnikaŭ motaprabiehu.
Usia hrupa viarnułasia ŭ Brest, dzie ŭ aŭtorak dała pres-kanfierencyju ŭ rasijskim konsulstvie.
Ciapier na centralnaj vulicy Bresta, Puškinskaj, staić hrupa z 30 matacykłaŭ, niekatoryja ź ich z rasijskimi, niekatoryja ź biełaruskimi ściahami.
Raniej polskija ŚMI paviedamlali, što niekatoryja bajkiery zmahli prajechać na terytoryju Polščy.
«Načnyja vaŭki» pačali motaprabieh z Maskvy ŭ Bierlin 25 krasavika.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary