Jak paviedamili ŭ MUS, 28 krasavika ŭ stalicy zatrymali traich padazravanych va ŭciahvańni ŭ prastytucyju.
«Apieratyŭnymi supracoŭnikami było vyjaŭlena, što na terytoryi Minska stvorany i viaduć aktyŭnuju dziejnaść studyja pa navučańni technicy «eratyčnaha masažu» («Sijamski kot») i dva sałony pa akazańniu pasłuh «eratyčnaha masažu» («Ejfaryja» i «Błek end ŭajt»). Arhanizataram nazvanych ustanoŭ źjaŭlajecca 33-hadovy ŭradženiec Ukrainy, pamahatymi — žančyna i mužčyna, hramadzianie Biełarusi, 1987 i 1993 h.n. Apošnija aktyŭna zajmalisia padboram, navučańnie i ŭciahvańniem u zaniatki prastytucyjaj dziaŭčat, jak praviła, studentak navučalnych ustanoŭ respubliki», — adznačyli ŭ Ministerstvie ŭnutranych spraŭ.
Zaviedzieny dźvie kryminalnyja spravy. Śledčyja miarkujuć, što niekatoryja prastytutki i sami źbiralisia adčynić anałahičnyja sałony.
Apošnim časam u krainie fiksujucca fakty, kali pad vyhladam sałonaŭ, studyj albo škoł eratyčnaha masažu akazvajucca intymnyja pasłuhi. Publična ž ich dziejnaść pazicyjanujecca jak fizkulturna-azdaraŭlalnaja.
Kamientary