Biełaruś – Malta – 1:0.
Zbornaja Biełarusi pa futbole u sieradu praviała zaklučny matč mižnarodnaha turniru na Malcie. Kamanda Bernda Štanhie sustrakałasia z haspadarami turniru.
Na matč z Maltaj biełarusy vyjšli faktyčna ŭ aptymalnym składzie. Pryjechali lehijanery, jakija nia ŭdzielničali ŭ dvuch papiarednich sustrečach – Alaksandar Hleb, Vital Kutuzaŭ, Jury Žaŭnoŭ. Ale navat prysutnaść hetych hulcoŭ nie dazvalała našym chłopcam zabić choć adzin hoł, až da apošnich chvilin. Abarona Malty z mužnaściu vytrymlivała ŭsie ataki biełarusaŭ. Los sustrečy na 89-aj chvilinie vyrašyŭ Maksim Ramaščanka – 1:0.
Takim čynam, zbornaja Biełarusi zaniała na turniry pieršaje miesca. Na Malcie jašče była zdabytaja pieramoha nad Iślandyja (2:0), a taksama zafiksavany projhryš armianam (1:2). Biełarusy i kaŭkazcy nabrali roŭnuju kolkaść punktaŭ, ale našy suajčyńniki akazalisia vyšej za košt lepšaj roznaści zabitych i prapuščanych hałoŭ.
Siońnia tavaryski matč z adnahodkami z Rasiei praviała i naša moładzievaja zbornaja. Vynik – 1:1. U našych zabiŭ paŭbaronca BATE Siarhiej Kryviec.
Kamientary