Pasolstva Rasii ŭ Hiermanii nakiravała ŭ MZS FRH notu pratestu, u jakoj asudziła admovu va ŭjeździe členam mižrehijanalnaj hramadskaj arhanizacyi «Ruskija matacyklisty». Pra heta havorycca na sajcie MZS Rasii.
Trom hramadzianam Rasii, jakija majuć dziejnyja vizy, admovili va ŭjeździe ŭ Hiermaniju 30 krasavika ŭ bierlinskim aeraporcie Šeniefield. «Paśla praciahłaj pracedury vyśviatleńnia asoby, pravierki sapraŭdnaści dakumientaŭ i viz rasijskim hramadzianam było zajaŭlena pra niemahčymaść pierasiačeńnia niamieckaj miažy sa spasyłkaj na pahrozu hramadskaj biaśpiecy, jakaja ad ich sychodzić, i zahadana viarnucca ŭ Rasiju bližejšym avijarejsam», - adznačajecca ŭ paviedamleńni rasijskaha źniešniepalityčnaha viedamstva.
«Ruskija matacyklisty» — heta mienš viadomy motakłub, členy jakoha źjaŭlajucca taksama členami «Načnych vaŭkoŭ», a ŭ Hiermaniju jany jechali ŭ miežach motaprabiehu «Darohami Pieramohi» praź Biełaruś, Polšču, Čechiju, Aŭstryju, Hiermaniju. Ale šerah krain admovili bajkieram va ŭjeździe.
«Ludzi, ja viarnułasia ŭ SSSR. Jašče i 170 rubloŭ za hety kašmar!» Błohierka aburyłasia načnoj čarhoj u padatkovuju6
«Ludzi, ja viarnułasia ŭ SSSR. Jašče i 170 rubloŭ za hety kašmar!» Błohierka aburyłasia načnoj čarhoj u padatkovuju
Jak ciapier žyvie padletak Roma Kahadoŭski, jaki 3 hady tamu ledź nie zahinuŭ, ratujučy brata z pažaru?7
Kamientary