Biełaruś i Kitaj padpisali pakiet kredytnych pahadnieńniaŭ na ahulnuju sumu bolš za 1 młrd dalaraŭ. Pahadnieńni byli padpisany ŭ Pałacy Niezaležnaści ŭ Minsku ŭ prysutnaści lidaraŭ dźviuch krain Alaksandra Łukašenki i Si Czińpina.
U pryvatnaści, padpisana hienieralnaje kredytnaje pahadnieńnie pamiž Bankami raźvićcia Biełarusi i Kitaja ab pradastaŭleńni kredytu ŭ pamiery 700 młn dalaraŭ.
«Pa kredytnaj damovie resursy vydzialajucca na termin da 15 hadoŭ, uklučajučy piacihadovy lhotny pieryjad. Heta doŭhija hrošy. Efiektyŭnaja staŭka nie pieravysić 4,7% hadavych. Atrymać doŭhija hrošy pad takija pracentnyja staŭki siońnia, viadoma, vielmi vyhadna», — adznačyŭ u kamientary žurnalistam staršynia praŭleńnia Banka raźvićcia Biełarusi Siarhiej Rumas. BRRB taksama padpisaŭ miemarandum ź Dziaržaŭnym bankam raźvićcia KNR ab stvareńni sumiesnaha rabočaha ofisa.
Akramia taho, padpisana kredytnaje pahadnieńnie pamiž Dziaržaŭnym bankam raźvićcia Kitaja i «Biełarusbankam» ab pradastaŭleńni kredytu ŭ pamiery 300 młn dołaraŭ.
Padpisany pakiet kredytnych pahadnieńniaŭ pamiž uradam Biełarusi ŭ asobie Ministerstva finansaŭ i Eksimbankam Kitaja ab pryciahnieńni lhotnych kredytaŭ dla finansavańnia budaŭnictva ŭnutranaj infrastruktury Kitajska-biełaruskaha industryjalnaha parku, ŭźviadzieńnia novaha zavoda «BiełDžy» i rekanstrukcyi padstancyi napružańniem 330/110/10 kV «Minsk-Paŭnočnaja».
Taksama padpisany pakiet kredytnych pahadnieńniaŭ pamiž Biełaruskaj čyhunkaj i Eksimbankam Kitaja dla finansavańnia inviestycyjnych prajektaŭ «Abnaŭleńnie ruchomaha sastavu BČ. Nabyćcio 8 elektravozaŭ», «Elektryfikacyja ŭčastka čyhunki Maładziečna — Hudahaj», «Abnaŭleńnie ruchomaha sastavu BČ. Nabyćcio 10 elektravozaŭ». Raniej pres-słužba Biełaruskaj čyhunki paviedamlała, što ahulnaja suma kredytaŭ na hetyja prajekty składzie kala 175 młn dalaraŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary