Na čempijanacie śvietu pa chakiei zbornaj Biełarusi zastałosia pravieści ŭ hrupavym turniry dva matčy: siońnia suprać Finlandyi (17:15) i zaŭtra suprać Narviehii (13:15).
Na žal, nie dapamoža siońnia Andrej Kaścicyn, dyskvalifikavany na adnu hulniu, Jaroslav Ožana, ČTK
Stanovišča ŭ našaj hrupie na ranicu paniadziełka nastupnaje:
ZŠA — 15 (6 hulniaŭ), Rasija — 14 (6), Finlandyja — 12 (5), Biełaruś — 10 (5), Słavakija — 8 (6), Narviehija — 6 (6), Danija — 4 (6), Słavienija — 0 (6).
Takim čynam, kab prabicca ŭ płej-of (4-je miesca traplaje na mocnuju Kanadu), biełarusam treba abo vyjhrać u adnym z matčaŭ, abo dvojčy prajhrać (h.zn. nabrać dva ački) u aviertajmie, kab harantavana apiaredzić Słavakiju, jakoj zastaŭsia ŭ aŭtorak matč z ZŠA (17:15).
Źniać usie pytańni možna budzie kali nie siońnia (finy ŭ čatyroch matčach nie prapuścili nivodnaj šajby), to zaŭtra pieramohaj nad nie matyvavanaj Narviehijaj, jakaja ŭ płej-of užo nie trapić, ale moža vyrašać łakalnaje pytańnie: apiaredzić u turnirnaj tablicy byłoha «starejšaha brata» Daniju.
Danija siońnia viečaram hulaje sa Słavienijaj, jakaja ŭžo pakidaje vyšejšy dyvizijon.
Aŭtorak: Biełaruś — Narviehija, ZŠA — Słavakija, Rasija — Finlandyja.
Čverćfinały projduć u čaćvier, paŭfinały — u subotu, finał i matč za 3-je miesca ŭ niadzielu.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary