Redaktar «Haziety vyborčaj» zaklikaŭ padtrymać Branisłava Kamaroŭskaha ŭ druhim tury vybaraŭ.
«Ja pamiataju epochu panavańnia Jarasłava Kačyńskaha i «Zakona i spraviadlivaści», — zaścierahaje Michnik. — Ja pamiataju usioŭładździe śpiecsłužbaŭ, pravakacyi palicyi, kamiery, ustanoŭlenyja ŭ doktarskich kabinietach. Heta byŭ čas, kali Polšča była ŭ stanie padazronaści i strachu», — piša redaktar «Vyborčaj».
U vypadku pieramohi Dudy toj čas vierniecca, piša jon.
Urad Kačynskich nadavaŭ vialikuju ŭvahu baraćbie z karupcyjaj i vykryćciu «ŭkładaŭ» — pieraplacieńnia palityki ź biznesam. Časam heta pryvodziła da pierachlostaŭ.
«Hałasy za Paŭła Kukiza pakazvajuć, što mnohija z nas chočuć zamianić demakratyčnyja pracedury natoŭpam na rok-kancercie. U Paŭła Kukiza stolki ž supolnaha z prezidentam Polščy, jak u mianie z Ełvisam Preśli», — žorstka piša redaktar «Haziety vyborčaj», adzin ź vieteranaŭ byłoj antysavieckaj apazicyi Adam Michnik.
Kukiz zbudavaŭ svaju pieradvybarčuju kampaniju na krytycy ciapierašniaha libieralnaha isteblišmientu, da jakoha naležyć i Michnik.
«Dla takoj biazradasnaj budučyni — škada Polščy», — piša Michnik. I zaklikaje abjadnacca vakoł kandydatury Kamaroŭskaha.
U pieršym tury vybaraŭ Kukiz pieramoh siarod moładzi da 29 hadoŭ. Za Kamaroŭskaha hałasavali vybarcy ad 30 da 39 hadoŭ. Ludzi, starejšyja za 40, addali svaje hałasy za Dudu.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary