Polšča prahałasavała suprać isteblišmientu i padzialiłasia na ŭschod i zachad
Zachad Polščy hałasavaŭ za Kamaroŭskaha, uschod — za kandydata ad nacyjanał-kansiervatyŭnaj apazicyi.
U Varšavie, Krakavie, Biełastoku i Lublinie ŭ pieršym tury pieramoh kandydat ad «Zakonu i spraviadlivaści» Andžej Duda. Jon, darečy, i sam krakaviak — juryst, syn prafiesaraŭ inžyniera i chimika. Žanaty jon z dačkoj viadomaha polskaha paeta, udzielnika «Salidarnaści».
U Paznani, Urocłavie, Ščecinie i Hdańsku pieramoh Branisłaŭ Kamaroŭski — dziejny prezident i vieteran «Salidarnaści».
Kali brać uzrostavy razrez, to Kamaroŭski pieramoh siarod vybarcaŭ va ŭzroście ad 30 da 39 hadoŭ.
Ludzi, starejšyja za 40, addali svaje hałasy za Dudu.
A voś siarod moładzi da 29 hadoŭ pieramoh «antysistemny kandydat» — rok-muzyka i nacyjanalist Pavieł Kukiz.
Vynik vybaraŭ staŭ tym bolšym siurpryzam, što Branisłaŭ Kamaroŭski karystaŭsia luboŭju i davieram absalutnaj bolšaści palakaŭ. Historyk, baćka piaci dziaciej, jon nie zaśviaciŭsia ni ŭ jakich skandałach. Jahonyja rejtynhi papularnaści nie apuskalisia nižej za 65—70%. Ale palakam zachaciełasia novych tvaraŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary