Dresiroŭščyk z ukrainskaha šapito śćviardžaje, što sutyknuŭsia z takim upieršyniu za 36 hadoŭ raboty.
Na adnym sa śpiektaklaŭ kijeŭskaha cyrka-šapito «Arena» ŭ Baranavičach hladač napaŭ na papuhaja ara i vyrvaŭ jamu piory z chvasta, piša miascovaja hazieta «Inteks-pres».
— U finale našaha vystupu my puścili Kłaŭsa, jak zvyčajna, pralacieć vakoł areny, — raspavioŭ dresiroŭščyk papuhajaŭ Uładzimir Haradziecki, čyja ptuška paciarpieła. — I raptam mužčyna, jaki siadzieŭ u łožy la sceny, uskočyŭ i schapiŭ jaho za chvost!
U vyniku papuhaj zastaŭsia biez dvuch samych doŭhich pioraŭ na chvaście.
— Takoje adbyłosia ŭpieršyniu za ŭvieś čas majoj pracy ŭ cyrku! — aburajecca Uładzimir. - My vystupali va ŭsich krainach SND, abjeździli amal usiu Jeŭropu, byli ŭ Kuviejcie i Izraili, takoje zdaryłasia tolki ŭ Biełarusi, — kaža dresiroŭščyk.
Mužčyna byŭ u cyrku ź dziciem. U časie śpiektakla jon «siadzieŭ» u telefonie i tolki ŭ kancy prahramy zreahavaŭ na papuhaja, što pralataŭ mima.
Artysty byli ŭ šoku, hledačy taksama. Ludzi paśla padychodzili da ŭkrainskich artystaŭ i prasili prabačeńnia za pavodziny svajho ziemlaka.
«Piory adrastuć prykładna praz paŭhoda, — raskazaŭ cyrkač. — Ale ptušku škada — heta psichałahičnaja traŭma».
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary