Biełaruś zrobić usio, kab Kitaj moh efiektyŭna prasoŭvać svaje intaresy ŭ Jeŭropie, zajaviŭ Alaksandr Łukašenka, adkryvajučy siońnia ŭ Minsku biełaruska-kitajski mižrehijanalny biźnies-forum.
«My zrobim usio, kab vy nikoli nie paškadavali, što pryjechali ŭ našu krainu. Zrobim usio nieabchodnaje, kab vy mahli efiektyŭnym čynam prasoŭvać svaje intaresy ŭ Jeŭropie», — padkreśliŭ jon, źviartajučysia da staršyni KNR Si Czińpiniu, jaki taksama prysutničaŭ na cyrymonii adkryćcia.
Pavodle słoŭ Łukašenki, hałoŭnaja zadača forumu — napoŭnić kankretnym źmiestam stratehičnaje partniorstva pamiž Biełaruśsiu i Kitajem.
«U rehijanalnym uzajemadziejańni, u pieršuju čarhu, patrebna realizacyja inviestycyjnych prajektaŭ u samych roznych halinach. U ciapierašni čas u Biełarusi dziejničajuć unikalnyja ŭmovy inviestavańnia. Kitaj zmoža skarystacca bieśpieraškodnym vychadam na rynak Jeŭrazijskaha ekanamičnaha sajuza. Kitajski biźnies moža pierakanacca, što pracavać u Biełarusi vyhadna», — skazaŭ biełaruski kiraŭnik.
«Toje, što siudy pryjechali sotni kitajskich biźniesmienaŭ, - heta vialiki znak dla našaj krainy, i my im pavinny skarystacca», - dadaŭ Łukašenka.
Si Czińpiń u svaju čarhu adznačyŭ, što supracoŭnictva pamiž Biełaruśsiu i Kitajem razhortvajecca «dynamična i hruntoŭna». «Paskoranymi tempami razhortvajecca techničnaje supracoŭnictva dźviuch krain. Hetyja vyniki dalisia nialohka, bo jany dasiahnuty va ŭmovach cuśvietnaj ekanomiki, jakaja dahetul nie adnaviłasia. Biełaruska-kitajskaje supracoŭnictva maje vielizarny patencyjał», — miarkuje staršynia KNR.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary