Advakat eks-dyrektara «Barysaŭdreva»: Malcaŭ traplaje pad amnistyju
Eks-dyrektar «Barysaŭdreva» Uładzimir Malcaŭ traplaje pad amnistyju ŭ honar 70-hodździa Pieramohi. Kali jon vyjdzie na volu, vyrašyć administracyja Mahiloŭskaj papraŭčaj kałonii №15, dzie ciapier znachodzicca Malcaŭ. Pra heta paviedamiŭ jahony advakat Dźmitryj Haračka.
U ramkach prajekta Zakona «Ab amnistyi ŭ suviazi z 70-hodździem Pieramohi ŭ Vialikaj Ajčynnaj vajnie 1941—1945 hadoŭ» miarkujecca vyzvalić ad kryminalnaha pakarańnia 8,6 tys. asudžanych, u tym liku ź miescaŭ pazbaŭleńnia voli — 2,2 tys. čałaviek.
U Mahiloŭskuju kałoniju Malcava etapavali 29 krasavika. U svaich listach siamji jon paprasiŭ ich trymacca i adznačyŭ, što chutka budzie ź imi. Taksama raspavioŭ, što paśla prybyćcia ŭ kałoniju jaho pastryhli. Ciapier Malcaŭ znachodzicca na «karancinie» (pieryjad, kali asudžany traplaje ŭ zaklučeńnie i prachodzić miedycynskaje abśledavańnie).
— Jon razumieje, što my napakutavalisia za hety čas - i ja, i dzieci. Čakaje, kali budzie z nami i heta zabudziecca, jak strašny son, — kaža žonka Alena Malcava.
***
17 krasavika Viarchoŭny sud źmianiŭ prysud Uładzimiru Malcavu, skaraciŭšy termin abmiežavańnia voli i admianiŭšy škodu, naniesienuju dziaržavie. Takim čynam, jaho pryznali vinavatym pa č. 2 art. 424 (Złoŭžyvańnie ŭładaj abo słužbovymi paŭnamoctvami). Prysudzili da 2 hadoŭ i 6 miesiacaŭ pazbaŭleńnia voli z adbyvańniem pakarańnia ŭ papraŭčaj kałonii ahulnaha režymu z pazbaŭleńniem prava zajmać kirujučyja pasady terminam na try hady.
Na padstavie zakona ab amnistyi ad 17 červienia 2014 termin asnoŭnaha pakarańnia skaracili na 1 hod. Kali Viarchoŭny sud u krasaviku hetaha hoda źmianiŭ prysud, Malcaŭ užo znachodziŭsia ŭ źniavoleńni 1 hod i 1 miesiac, i jamu zastavałasia być u źniavoleńni 5 miesiacaŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary