Kubinski lidar Raul Kastra zajaviŭ pa zaviaršeńni aŭdyjencyi ŭ Papy Franciška ŭ Vatykanie, što vielmi ŭražany sustrečaj z pantyfikam i dumaje navat pra toje, kab znoŭ pačać malicca Bohu.
«Ja znoŭ pačnu malicca i viarnusia va ŭłońnie carkvy, kali Papa praciahnie svaju słužbu z takoj ža starannaściu», — skazaŭ Kastra.
Raul Kastra, taksama, jak i jaho rodny brat Fidel, u dziacinstvie byŭ achryščany ŭ katalickuju vieru, adnak paśla revalucyi na Kubie pačalisia hanieńni na carkvu.
Kubinski prezident pravioŭ aficyjnuju sustreču ŭ Vatykanie z Papam Franciškam dla taho, kab padziakavać tamu za dapamohu ŭ adnaŭleńni adnosin pamiž Kubaj i ZŠA.
Nakolki viadoma, rymski pantyfik syhraŭ važnuju rolu ŭ sakretnych pieramovach pamiž Havanaj i Vašynhtonam, u vyniku jakich u śniežni było abvieščana pra adnaŭleńnie dypłamatyčnych adnosin pamiž ZŠA i Kubaj.
«Ja padziakavaŭ Papu za ŭsio, što jon zrabiŭ dla nas», — zajaviŭ Raul Kastra paśla zaviaršeńnia sustrečy ŭ Vatykanie.
Naziralniki adznačajuć, što aŭdyjencyja doŭžyłasia amal hadzinu, što niezvyčajna dla niadzielnaha pratakołu Papy.
Rymski pantyfik dobra znajomy z Kubaj, u minułym jon napisaŭ knihu pra adnosiny pamiž katalickaj carkvoj i kamunistyčnymi ŭładami vostrava. Jon źbirajecca ź vizitam na Kubu ŭ vieraśni i stanie trecim Papam, jaki naviedaje Kubu — paśla Jana Paŭła II ŭ 1998 hodzie i Bieniedykta XVI u 2012 hodzie.
Prezident Kastra zrabiŭ prypynak u Rymie, viartajučysia sa śviatkavańniaŭ dnia Pieramohi ŭ Maskvie.
Apošni raz Raul Kastra byŭ u Vatykanie ŭ 1997 hodzie, kali zajmaŭ pasadu ministra abarony. Tady jon rychtavaŭ histaryčny vizit Jana Paŭła II u Havanu.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary