Były hałoŭny trenier krasnadarskaj «Kubani» biełarus Viktar Hančarenka i hałoŭny trenier «Rastova» Kurban Bierdyjeŭ źjaŭlajucca asnoŭnymi pretendentami na pasadu hałoŭnaha treniera maskoŭskaha «Łakamatyva» paśla adstaŭki Miadraha Božaviča.
«Kiraŭnictva kłuba razhladaje niekalki kandydatur, ale asnoŭnymi na hety momant źjaŭlajucca Kurban Bierdyjeŭ i Viktar Hančarenka. Mienavita im addajecca pieravaha, pryčym u abodvuch svaje plusy i vybar čakaje niaprosty», — raspaviała krynica, znajomaja ź situacyjaj, piša Tribuna.com sa spasyłkaj na R-sport.
Cikava, što da vieraśnia 2014 h. «Łakamatyŭ» treniravaŭ inšy biełaruski śpiecyjalist — Leanid Kučuk, jaki ŭ listapadzie 2014 h. pryjšoŭ u «Kubań» na miesca zvolnienaha Viktara Hančarenki. Heta pieramiaščeńnie vyklikała škvał asudžeńnia, jak i ŭ žurnalisckim i zaŭziatarskim asiarodździ, tak i ŭ trenierskim cechu.
«Łakamatyŭ» za try tury da finišu čempijanatu Rasii zajmaje 7-y radok, «Kubań» — 9-ja z adstavańniem ŭ siem ačkoŭ ad čyhunačnikaŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary