Pa vynikach biełaruska-kitajskaha biznes-forumu padpisana bolš jak 20 pahadnieńniaŭ

Pa vynikach biełaruska-kitajskaha biznes-forumu, jaki prajšoŭ u Minsku 11 maja, padpisana bolš za 20 pahadnieńniaŭ.

U pryvatnaści, padpisanyja miemarandum ab supracoŭnictvie pamiž Minharvykankamam i Narodnym uradam Piekina, pahadnieńnie ab supracoŭnictvie pamiž Bresckaj vobłaściu i pravincyjaj Chubej, miemarandum ab supracoŭnictvie pamiž Ministerstvam handlu Biełarusi i Narodnym uradam pravincyi Hańsu.

Taksama padpisanyja miemarandum pamiž Ministerstvam suviazi i infarmatyzacyi Biełarusi, Bankam raźvićcia Kitaja i Huawei Technologies Co., Ltd. ab supracoŭnictvie ŭ śfiery infarmacyjna-kamunikacyjnych technałohij i miemarandum ab uzajemarazumieńni pamiž Minsuviazi i karparacyjaj ZTE.

Ministerstva transpartu i kamunikacyj Biełarusi i AAT «Kitajskaja čyhunka» padpisali miemarandum ab supracoŭnictvie ŭ śfiery transpartnaj infrastruktury.

Pahadnieńnie ab supracoŭnictvie pa realizacyi prajektaŭ u śfiery raźvićcia mašynabudaŭničaj, drevaapracoŭčaj i ekałahičnaj halin u Biełarusi padpisali «MK Aljans», China National Corporation Overseas Economic Cooperation, Viciebski abłasny vykanaŭčy kamitet i Nacyjanalnaje ahienctva pa inviestycyjach i pryvatyzacyi.

Padpisanyja pahadnieńni ab družbie i supracoŭnictvie pamiž Homielem i Charbinam, ab ustanaŭleńni pabracimskich suviaziaŭ pamiž Połackam i Mudańczianam, ab ustanaŭleńni pabracimskich adnosin pamiž Hrodna i Łunnań.

Pahadnieńnie ab supracoŭnictvie ŭ śfiery raźvićcia mašynabudaŭničaj, naftachimičnaj, sielskahaspadarčaj haliny i budaŭnictva ŭ Biełarusi padpisali AAT «Amkador» — Kiraŭnickaja kampanija chołdynha» i China National Corporation for Overseas Economic Cooperation.

Kitajskaja kampanija CITIC Construction Co.,Ltd. i RUVHP «Aršanski lnokambinat» padpisali kantakt na realizacyju inviestycyjnaha prajekta «Madernizacyja respublikanskaha ŭnitarnaha vytvorča-handlovaha pradpryjemstva «Aršanski lnokambinat» z pašyreńniem vytvorčaści pa vuł. Maładziožnaja, 3, u Oršy. II etap madernizacyi».

Pahadnieńnie ab stratehičnym supracoŭnictvie ŭ raźvićci čyhunačnaj transpartnaj infrastruktury Biełarusi padpisana pamiž dziaržaŭnym abjadnańniem «Biełaruskaja čyhunka» i AAT «Kitajskaja čyhunačnaja hrupa» (CREC).

Hienieralnaje pahadnieńnie ab stratehičnym supracoŭnictvie ŭ raźvićci aŭtamabilnaj transpartnaj infrastruktury Biełarusi padpisana pamiž Respublikanskim unitarnym pradpryjemstvam «Kiraŭnickaja kampanija chołdynha «Biełaŭtadar» i Kitajskaj čyhunačnaj hrupaj.

«Biełaŭtadar» taksama padpisaŭ pahadnieńnie ab stratehičnym supracoŭnictvie z kampanijaj z abmiežavanaj adkaznaściu «Kitajskaja karparacyja pa budaŭnictvie daroh i mastoŭ».

Padčas forumu taksama zaklučany dahavor pamiž TAA «Bijalend» i AAT «Kitajskaja karparacyja mietałurhii i budaŭnictva MSS 15», dahavor ab stvareńni sumiesnaha pradpryjemstva pamiž TAA «Pramysłovaja karparacyja Czunšeń» i AAT «MTZ», dahavor ab stvareńni sumiesnaha pradpryjemstva z kitajskim i zamiežnym kapitałam pamiž TAA «Pramysłovaja karparacyja Czunšeń» i AAT «Homsielmaš», pahadnieńnie ab namierach ab supracoŭnictvie ŭ śfiery vytvorčaści sielskahaspadačaj techniki pamiž AAT «Homsielmaš» i TAA «Juńjiń».

Biełaruski dziaržaŭny ŭniviersitet infarmatyki i radyjoelektroniki zaklučyŭ pahadnieńnie ab supracoŭnictvie z kampanijaj Huawei.

Miemarandum ab supracoŭnictvie padpisany pamiž IZP Technologies Group Beijing i kansorcyumam ZTAA «AOI Łahistyk Park».

SZAT «BiełDžy» i filijał Eksimbanka Kitaja ŭ pravincyi Čžeczian zaklučyli kredytnaje pahadnieńnie ab pryciahnieńni kamiercyjnaha kredytu dla finansavańnia inviestycyjnaha prajekta «Budaŭnictva zavoda SZAT «Biełdžy».

Taksama padpisany miemarandum ab pašyreńni stratehičnaha partniorstva i stvareńni novaj vytvorčaści pamiž chołdynham «Haryzont» i karparacyjaj «Midea».

• 0
• 0
• 0
• 0
• 0
• 0
• 0
• 0