U Fiładelfii, štat Piensilvanija, syšoŭ z rejek pasažyrski ciahnik. Pavodle apošnich paviedamleńniaŭ, piać čałaviek zahinuli, kala 50 atrymali traŭmy roznaj ciažkaści. Šeść čałaviek znachodziacca ŭ krytyčnym stanie, paviedamiŭ mer Fiładelfii.
U ciahniku №188 kampanii Amtrak, jaki ruchaŭsia ź Ńju-Jorka ŭ Vašynhton, znachodzilisia kala 240 pasažyraŭ.
Pa papiarednich dadzienych, vosiem ź dziesiaci vahonaŭ ciahnika pierakulilisia.
Ratavalniki evakujujuć paciarpiełych pasažyraŭ. Razam z pažarnymi jany taksama šukajuć siarod abłomkaŭ ciahnika mahčymych paciarpiełych, jakija zabłakavanyja ŭ paškodžanych vahonach.
Bolšaja častka paciarpiełych atrymali niaznačnyja traŭmy.
Patryk Merfi, były kanhresmen ZŠA, napisaŭ u siabie ŭ «Tvitery», što jon byŭ u liku pasažyraŭ paciarpiełaha krušeńnie ciahnika. «Sa mnoj usio ŭ paradku. Dapamahaju astatnim. Malusia za paciarpiełych», - napisaŭ jon.
Miesca zdareńnia ačeplena, ruch pa čyhuncy pierakryty
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary