Zbornaja Biełarusi vyjšła ŭ płej-of čempijanatu śvietu pa chakiei, dzie sustreniecca ŭ čaćvier (17:15) z kamandaj Kanady. U hrupavym turniry biełarusy zavajavali rekordnyja 14 ačkoŭ.
Kab atrymać ekśpiertnuju acenku hulni našaj zbornaj na hrupavym etapie, «Naša Niva» źviazałasia z byłym hałoŭnym trenieram nacyjanalnaj kamandy, nastaŭnikam minskaha «Junactva» Michaiłam Zacharavym, jaki znachodzicca pobač sa zbornaj u Čechii.
«Małajcy chłopcy, vielmi dobra zhulali. Pakazali, što chakiej u nas na pravilnaj darozie. I biełaruskamu narodu jość čym hanarycca za našych chakieistaŭ — heta adnaznačna.
Kalužny, braty Kaścicyny zhulali zdorava. Taksama Kievin Łałand vydatna adstajaŭ. Nu a ŭsie chłopcy małajcy, što vykonvali zadaču, jakuju im pastaviŭ trenierski korpus. Tamu ja dumaju, što niama chakieistaŭ, jakija pakazali niezadavalniajučuju hulniu, — usim možna pastavić mocnuju «piaciorku» za hety hrupavy turnir.
Z moładzi asabliva kahoś vydzielić składana — nie tak šmat jaje ŭ nas tam i hulała. Našaj moładzi treba jašče raści da taho samaha vysokaha majsterstva, jakim vałodajuć viadučyja chakieisty.
Što datyčyć matča suprać kanadcaŭ, to možna vyjhravać. Kanada, kaniečnie, jak nikoli mocnaja, ale hulnia pakaža, chto akažacca lepšy.
Uvohule, arhanizacyja turniru ŭ Čechii — na vielmi vysokim uzroŭni.
Ja dumaŭ, što na čempijanacie śvietu ŭ Minsku ŭ nas usio było na samaj vyšyni — navat i zamiežniki pryznali, ale čechi pahladzieli na nas i zrabili ŭsio prosta vydatna.
Heta fajna: čym vyšejšaja płanka arhanizacyi turniru, tym lepiej dla chakieja», — skazaŭ Zacharaŭ «Našaj Nivie».
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary