Spynienyja ŭ 2009 hodzie pieramovy ab vykanańni pravoŭ čałavieka pamiž Biełaruśsiu i Eŭrapiejskim źviazam majuć być adnoŭlenyja sioleta. Pra heta ŭ ekskluziŭnym interviju Svabodzie paviedamiła kiraŭnica delehacyi Eŭrapiejskaha źviazu ŭ Miensku Majra Mora:
«Biełaruś pahadziłasia adnavić dyjaloh u pravach čałavieka, jaki pieršy raz adbyŭsia viasnoj 2009 hodu, paśla čaho sumiesnych sustreč u hetym pytańni nie było. Ciapier iduć pieramovy ab tym, kali heta moža adbycca. Vidać, što heta budzie sioleta, bolš dakładna ja skazać nie mahu.
Heta častka śpisu mierapryjemstvaŭ, u jakich my hatovyja supracoŭničać, tak zvanaj darožnaj mapy. Čakajecca, što hety dyjaloh budzie adbyvacca na ŭzroŭni ekspertaŭ u roznych halinach: naprykład, kali heta budzie datyčyć penitencyjarnaj systemy, to heta budzie pradstaŭnik MUS, – pa charaktary pytańniaŭ, jakija baki pahodziacca ŭ hetym raŭndzie abmiarkoŭvać»,—zaznačyła ambasadar Majra Mora.
U 2009 hodzie Biełaruś i Eŭraźviaz dasiahnuli damoŭlenaści ab praviadzieńni dyjalohu ab vykanańni pravoŭ čałavieka. Aficyjna dyjaloh na hetuju temu byŭ inicyjavany 6 krasavika 2009 hodu pa vynikach pasiadžeńnia Rady Eŭraźviazu na ŭzroŭni ministraŭ justycyi. U ramkach dyjalohu praduhledžvalisia sustrečy i ŭ Biełarusi, i ŭ Eŭraźviazie «prynamsi raz u hod». Adnak paśla 2009 hodu takich sustreč nie było.
Staršynia Biełaruskaha Chelsynskaha kamitetu Aleh Hułak adznačyŭ u interviju Radyjo Svaboda, što pradstaŭniki Eŭraźviazu kansultavalisia z pravaabaroncami na hety kont, ale sam farmat dyjalohu nie praduhledžvaje ŭdziełu ŭ im pravaabaroncaŭ.
«Heta dyjaloh Eŭraźviazu ź Biełaruśsiu i niepasredna ŭ hetym pracesie pravaabaroncy nia ŭdzielničajuć. Ale biezumoŭna Eŭraźviaz pravodziŭ z nami kansultacyi adnosna taho, jakija temy, u jakim rakursie i ŭ jakim paradku treba ŭzdymać, bo prablem šmat i niemahčyma asiahnuć nieabsiažnaje. Takija kansultacyi byli i, nakolki ja razumieju, buduć dalej», – adznačyŭ jon.
Hułak nie ŭskładaje vialikich nadziej na dyjaloh u pravach čałavieka pamiž EZ i Biełaruśsiu, ale ŭsio roŭna ličyć heta pazytyŭnaj źjavaj:
«Ja, biezumoŭna, daloki ad taho, kab być u vialikim zachapleńni, ale heta lepš čym adsutnaść takoha pracesu i hetym treba karystacca. Dobra, što takaja mahčymaść jość»
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary