Kabiniet ministraŭ Ukrainy uchvaliŭ pryvatyzacyju ŭ biahučym hodzie Adeskaha partovaha zavoda, pradpryjemstva «Sumychimpram» šerahu marskich partoŭ, kampanii «Centrenierha», a taksama pradpryjemstvy ciepłavoj hienieracyi i abłenierha, u jakich jašče zastałasia dola dziaržavy.
Pra heta paviedamlajecca ŭ pastanovie Kabmina №271 ad 12 maja «Ab praviadzieńni prazrystaj i kankurentnaj pryvatyzacyi ŭ 2015 hodzie», apublikavanaj na sajcie ŭrada.
U pieraliku taksama prysutničaje šerah pradpryjemstvaŭ, padparadkavanych Ministerstvu ahrarnaj palityki i charčavańnia, dziaržaŭnyja vuhalnyja pradpryjemstva i šachty, kancern «Ukrtorf», navukova-vytvorčaje abjadnańnie «Elektronmaš», «Prezident-Hatel».
Usiaho ŭ śpisie na pryvatyzacyju 286 abjektaŭ, pry hetym jašče 43 abjekty ŭniesieny ŭ pieralik zabaronienych da pryvatyzacyi, dla prodažu jakich nieabchodna rašeńnie Viarchoŭnaj Rady.
Zhodna z dakumientam, Kabmin daručyŭ Fondu dziaržaŭnaj majomaści ŭ 2015 hodzie zabiaśpiečyć vystaŭleńnie na prodaž nazvanych abjektaŭ praz konkurs z adkrytaj prapanovaj cany pa pryncypie aŭkcyjonu biez abmiežavańniaŭ dla dopusku udzielnikaŭ, akramia vypadkaŭ, praduhledžanych zakanadaŭstvam, i z ulikam uviedzienych sankcyj.
Akramia hetaha, urad daručyŭ Minekanamraźvićcia i Fondu dziaržmajomaści pry nieabchodnaści pravodzić śpiecyjalnyja sustrečy ź inviestarami.
Jak paviedamlaŭ UNIAN, Kabiniet ministraŭ Ukrainy ŭ ramkach praviadzieńnia maštabnaj pryvatyzacyi abjektaŭ dziaržaŭnaj ułasnaści prapanuje zabaranić rasijskim kampanijam i strukturam, źviazanym jakim-niebudź čynam ź finansavańniem teraryzmu i sieparatyzmu na ŭschodzie Ukrainy, udzielničać u pryvatyzacyi ŭkrainskich abjektaŭ dziaržaŭnaj ułasnaści.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary