Pałata pradstaŭnikoŭ pryniała zakonaprajekt ab amnistyi
Deputaty pałaty pradstaŭnikoŭ na pasiadžeńni 13 maja pryniali adrazu ŭ dvuch čytańniach zakonaprajekt «Ab amnistyi ŭ suviazi z 70-hodździem Pieramohi ŭ Vialikaj Ajčynnaj vajnie 1941—1945 hadoŭ».
Jak adznačyŭ ministr unutranych spraŭ Ihar Šunievič, u Biełarusi tradycyjna vykonvajecca pryncyp humanizmu ŭ dačynieńni da asudžanych. «U krainie da asudžanych prymianiajucca nie tolki karalnyja miery, ale i dajecca mahčymaść vyzvalicca daterminova», — skazaŭ jon.
Tradycyjna zakonaprajekt praduhledžvaje vyzvaleńnie ad pakarańnia tak zvanaj lhotnaj katehoryi asob — niepaŭnaletnich, ciažarnych, žančyn i adzinokich mužčyn, jakija majuć dziaciej da 18 hadoŭ, asob piensijnaha ŭzrostu i hetak dalej.
Praduhledžvajecca vyzvaleńnie ad pakarańnia ŭ vyhladzie abmiežavańnia voli i pazbaŭleńnia voli asob, asudžanych za ŭčynieńnie złačynstvaŭ, jakija nie ŭjaŭlajuć vialikaj hramadskaj niebiaśpieki; asob, asudžanych za złačynstvy, jakija adnosiacca da katehoryi mienš ciažkich, kali jany na dzień uvachodžańnia ŭ siłu zakona adbyli nie mienš za adnu čverć pryznačanaha terminu pakarańnia.
Amnistyja nie budzie raspaŭsiudžvacca na asob, da jakich na praciahu 2009—2015 hadoŭ prymianiałasia amnistyja abo pamiłavańnie i jakija znoŭ učynili złačynstva; jakija poŭnaściu nie kampiensavali pryčynieny złačynstvami ŭron; na asudžanych za złačynstvy suprać miru i biaśpieki čałaviectva, bandytyzm, teraryzm, finansavańnie i sadziejničańnie terarystyčnaj dziejnaści i šerah inšych.
Šunievič paviedamiŭ, što amnistyja zakranie kala 8.600 asudžanych. U pryvatnaści, prykładna 2.200 tysiač čałaviek mohuć być vyzvalenyja ź miescaŭ pazbaŭleńnia voli, 755 — z ustanoŭ adkrytaha typu, 5.685 — z kryminalna-vykanaŭčych inśpiekcyj.
Pry hetym jon adznačyŭ, što prymianieńnie amnistyi ŭ minułyja hady istotna nie paŭpłyvała na kryminahiennuju situacyju ŭ krainie.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary