Apošnija zvanki ŭ Minsku prahučać 30 maja, apošni dzień zaniatkaŭ dla 1—8-ch kłasaŭ — 29 maja
Apošnija zvanki ŭ Minsku praźviniać 30 maja (heta budzie subota) dla 22,7 tys. vypusknikoŭ 9-ch i 11-ch kłasaŭ.
Pra heta paviedamiła žurnalistam načalnik adździeła daškolnaj, ahulnaj siaredniaj i śpiecyjalnaj adukacyi kamiteta pa adukacyi Minharvykankama Maryna Jurkievič.
«Navučalnyja zaniatki dla 1-8-ch i 10-ch kłasaŭ zakančvajucca 29 maja.
Apošnija zvanki dla 9-ch i 11-ch kłasaŭ praźviniać 30 maja. U hetym navučalnym hodzie zaviaršajuć navučańnie na ŭzroŭni bazavaj i siaredniaj adukacyi 22 745 navučencaŭ. Kolkaść vypusknikoŭ bazavaj škoły pavialičyłasia na 770 čałaviek, siaredniaj — skaraciłasia na 130 vučniaŭ», — skazała Maryna Jurkievič.
Apošnija zvanki praźviniać u staličnych škołach z 10.00 da 12.00, kulturna-masavyja mierapryjemstvy zavieršacca ŭ 21.00.
Užo 1 červienia školniki pačnuć zdavać ekzamieny, apošni ź jakich projdzie 12 červienia. U hety ž dzień u minskich škołach adbuducca vypusknyja viečary.
Darečy, u paradku vyklučeńnia pa ŭzhadnieńni z administracyjami rajonaŭ niekatoryja škoły praviaduć ich na bazie ŭstanoŭ kultury. Na siońniašni dzień takoje rašeńnie pryniali piać škoł.
U suviazi z praviadzieńniem apošnich zvankoŭ i vypusknych viečaroŭ u Minsku 30 maja i 12 červienia budzie abmiežavany prodaž ałkaholu.
Vyklučeńnie składzie roźničny handal na abjektach hramadskaha charčavańnia ŭ raźliŭ.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary