U strašnaj avaryi pad Kaściukovičami zahinuła para, jakaja viartałasia z zaručyn
Na čyhunačnym pierajeździe zahinuli šmatdzietny baćka i ciažarnaja maładaja žančyna.
Trahiedyja adbyłasia 12 maja ŭ Kaściukovickim rajonie. Jak paviedamili ŭ Śledčym kamitecie, kala 18.00 kiroŭca «Opiela» parušyŭ praviły prajezdu čyhunačnaha pierajezda, dzie sutyknuŭsia z hruzavym ciahnikom.
29-hadovy kiroŭca Rusłan i 17-hadovaja Vika zahinuli na miescy, syn Rusłana, 2011 hoda naradžeńnia, špitalizavany. 23-hadovy Uładzimir skanaŭ u balnicy.
«Vika była vielmi dobrym čałaviekam. Jana była ciažarnaja, u hetym miesiacy daviedałasia b, chto budzie — chłopčyk ci dziaŭčynka. Jechała z mužam, za rulom siadzieŭ muž siastry,» — raskazała pra siabroŭku Nasta.
— Jana paśla 9 kłasaŭ pajšła ŭ Klimavičy vučycca na pradaŭca. Była na 2 kursie. Kali b u škole zastałasia, to vučyłasia b u 11 kłasie».
Vika i Vałodzia žyli ŭ jaje mamy ŭ ahraharadku Novyja Samatevičy Kaściukovickaha rajona. U Viki ŭ siamji jašče jość 4 siastry.
«Nakolki mnie viadoma, jany jeździli znajomicca da baćkoŭ chłopca. Jašče nie ažanilisia. Nu i kali ŭsio zdaryłasia, jany jechali ŭžo damoŭ, — udakładniła inšaja znajomaja Viki. — Dobraja była, viasiołaja, dziaciej lubiła».
U kiroŭcy Rusłana jość jašče dzieci: starejšyja dačka i syn.
Pa infarmacyi Śledčaha kamiteta, mužčyna ŭ sakaviku 2015 byŭ asudžany za parušeńnie praviłaŭ darožnaha ruchu, što paciahnuła pa nieaściarožnaści pryčynieńnie ciažkaha cialesnaha paškodžańnia. Pa rašeńni suda jamu pryznačyli pakarańnie ŭ vyhladzie 2 hadoŭ papraŭčych rabot z pazbaŭleńniem prava kiravańnia mašynaj na 5 hadoŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary