Zakonaprajekt ab alternatyŭnaj słužbie pryniaty ŭ druhim čytańni

Jak paviedamiŭ, pradstaŭlajučy dakumient, staršynia parłamienckaj kamisii pa pracy i sacyjalnych pytańniach Uładzimir Vasilenka, padstavaj dla prachodžańnia alternatyŭnaj słužby buduć źjaŭlacca relihijnyja pierakanańni.

Na alternatyŭnuju słužbu mohuć nakiroŭvacca hramadzianie mužčynskaha połu va ŭzroście ad 18 da 27 hadoŭ, jakija padlahajuć pryzyvu na terminovuju vajennuju słužbu i słužbu ŭ reziervie, pryhodnyja pa stanie zdaroŭja i fizičnym raźvićci da prachodžańnia vajskovaj słužby, jakija asabista napisali zajavu ab tym, što pryniaćcie vajskovaj prysiahi i našeńnie zbroi supiarečyć ich relihijnym pierakanańniam. 

Hramadzianie, jakija prachodziać alternatyŭnuju słužbu, pavinny buduć pryciahvacca da hramadska karysnaj dziejnaści ŭ arhanizacyjach achovy zdaroŭja, sacyjalnaj śfiery, žyllova-kamunalnaj, sielskaj i lasnoj haspadarki, arhanizacyjach, jakija zajmajucca dobraŭparadkavańniem terytoryj, budaŭnictvam i ramontam daroh i čyhunačnych puciej, a taksama ŭ orhanach i padraździaleńniach pa nadzvyčajnych situacyjach. 

Termin prachodžańnia alternatyŭnaj słužby dla hramadzian, jakija nie majuć vyšejšaj adukacyi, składzie 36 miesiacaŭ, jakija majuć vyšejšuju adukacyju — 24 miesiacy. 

Dla zvyčajnych vajennasłužačych hetyja terminy składajuć 12 i 18 miesiacaŭ adpaviedna, a dla tych, chto na momant pryzyvu prajšoŭ navučańnie na vajennych kafiedrach abo fakultetach pa prahramach padrychtoŭki małodšych kamandziraŭ, — 6 miesiacaŭ.

Zhodna z novym zakonaprajektam, u pieryjad prachodžańnia alternatyŭnaj słužby hramadzianam budzie vypłačvacca štomiesiačnaje hrašovaje ŭtrymańnie, ustanoŭlenaje ŭ pamiery 150% ad najbolšaj vieličyni biudžetu pražytačnaha minimumu (BPM) u siarednim na dušu nasielnictva (ciapier jon składaje 1 młn. 474 tys. 870 rubloŭ). Pačynajučy z 13-ha miesiaca alternatyŭnaj słužby pamier hrašovaha ŭtrymańnia budzie pavyšacca na 20% BPM, pačynajučy z 25-ha miesiaca — na 40%. 

Na siońniašnim pasiadžeńni deputaty nižniaj pałaty taksama pryniali ŭ druhim čytańni papraŭki ŭ niekatoryja zakony pa pytańniach alternatyŭnaj słužby. 

Praduhledžanyja hetym dakumientam dapaŭnieńni ŭ Kryminalny kodeks nakiravanyja na karekciroŭku jaho pałažeńniaŭ u častcy ŭstanaŭleńnia adkaznaści za ŭchileńnie ad prachodžańnia alternatyŭnaj słužby i nievykanańnie terminaŭ jaŭki ŭ orhany pa pracy, zaniataści i sacyjalnaj abaronie. 

Akramia taho, u zakonie «Ab zaniataści nasielnictva Respubliki Biełaruś» prapanoŭvajecca zamacavać harantyju davańnia pieršaha pracoŭnaha miesca hramadzianam, zvolnienym z alternatyŭnaj słužby.

• 0
• 0
• 0
• 0
• 0
• 0
• 0
• 0