U intervju spartyŭnamu vydańniu by.tribuna.com kiraŭnik Banka raźvićcia, staršynia Biełaruskaj fiederacyi futboła Siarhiej Rumas raskazaŭ ab svajoj lubovi da palavańnia.
«U mianie taksama jość niadrennyja trafiei, u asnoŭnym palaŭničyja. Samy bujny — iłand vahoj u tonu. Zdabyŭ u Afrycy. Časam udała stralaju husiej. Niadaŭna abnaviŭ asabisty rekord. Nie ŭśmichajciesia, ja nasamreč lublu palavańnie na husiej», — skazaŭ były vice-premjer Rumas.
Iłand — heta najbolšaja vintarohaja antyłopa. Inakš jaje nazyvajuć kanna. Vaha takich žyviolinaŭ dachodzić da 1000 kiłahramaŭ, daŭžynia cieła — dva-try mietry, a rost – paŭtara mietry. Iłandy žyvuć u zasušlivych savanach Afryki. Charekternaj prykmietaj hetaj antyłopy źjaŭlajucca doŭhija zakručanyja ŭ śpiral rohi.
Adznačajecca, što dla palavańnia na iłanda treba mieć dobruju fizičnuju formu. Niaredka pieraśled antyłopy doŭžycca sutkami.
Na sajtach turahienctvaŭ, jakija prapanujuć palaŭničyja tury ŭ Afryku, jość kaštarys na ŭpalavanyja trafiei. Naprykład, hihancki iłand u jakaści trafieja ŭ Kamierunie abydziecca vam ni mnoha ni mała ŭ 4 tysiačy jeŭra. A siamidzionny tur palavańnia na antyłop prapanujecca ŭ 7,5 tysiač jeŭra.
Kamientary