Śledčy kamitet ahučyŭ padrabiaznaści spravy.
Ranicaj 22 śniežnia ŭ internacie niežyvym znajšli 24-hadovaha studenta Viciebskaj akademii vieterynarnaj miedycyny. Śmierć nastupiła ad pabojaŭ.
Pa padazreńni ŭ zabojstvie tady zatrymali 21-hadovaha susieda, studenta toj ža VNU. Chłopcy žyli ŭ adnym pakoi internata. Uźnikła svarka, padčas jakoj małodšy da śmierci rukami i nahami źbiŭ starejšaha. Pierad hetym razam vypivali.
Ciapier u Śledčym kamitecie ahučyli padrabiaznaści spravy. Chłopcy razam adpravilisia adpačyvać u toj viečar. Hulali da ranicy.
«Pierad zakryćciom zabaŭlalnaj ustanovy adzin sa studentaŭ viarnuŭsia ŭ internat. Druhi praz adsutnaść hrošaj nie zmoh apłacić rachunak, u suviazi z čym pakinuŭ zakład — svoj mabilnik», — raskazała pradstaŭnik USK pa Viciebskaj vobłaści Ina Harbačova. Ale chłopiec byŭ pakryŭdžany ŭčynkam susieda i ŭ internacie pačaŭ jamu vykazvać svaje pretenzii. Kali słovy skončylisia, u chod pajšli kułaki.
24-hadovy Juryj, jakoha znajšli zabitym, navučaŭsia na 3 kursie. Pachodziŭ ź Pinska, dzie skončyŭ pierad hetym ahrarna-techničny kaledž pa śpiecyjalnaści zaatechnija. Chłopiec byŭ adzinym dziciom u siamji, raskazała jaho znajomaja. Baćki raźvialisia i nie žyli razam, i ciapier maci zastałasia zusim adna. Dziaŭčyna nazyvaje jaho žyćciaradasnym čałaviekam, jakoha možna nazvać «dušoj kampanij». «Jon zaŭždy prychodziŭ na dapamohu ŭ roznych situacyjach».
«Jany nadta nikoli blizka nie siabravali, prosta kantaktavali jak susiedzi pa pakoi», — adznačyła jaho znajomaja.
Kryminalnaja sprava zaviedziena za zabojstva. Uvieś čas chłopiec znachodzicca ŭ izalatary. Jamu pahražaje ad 6 da 15 hadoŭ kałonii. Sprava nakiravana prakuroru dla pieradačy ŭ sud.
Ciapier čytajuć
Što Babaryka i Kaleśnikava adkazali na pytańni pra vajnu79
Kamientary