Staršynia Biełaruskaj partyi levych «Spraviadlivy śviet» Siarhiej Kalakin ličyć, što na prezidenckich vybarach 2015 hoda «vielmi vysokaja vierahodnaść» falsifikacyi vynikaŭ volevyjaŭleńnia hramadzian. Ab hetym jon zajaviŭ 23 maja ŭ Minsku, vystupajučy na XVIII spravazdačna-vybarnym źjeździe partyi.
«Alaksandr Łukašenka, choć i źjaŭlajecca biezumoŭnym favarytam prezidenckaj honki, nie maje realnych šansaŭ pa vynikach pieršaha tura nabrać nieabchodnyja dla pieramohi bolš čym 50% hałasoŭ vybarščykaŭ», — ličyć Kalakin.
Palityk adznačyŭ, što nastroi i pavodziny vybarščykaŭ u pieryjad vybarčaj kampanii buduć farmiravacca «pad upłyvam šerahu roznanakiravanych faktaraŭ».
Pa-pieršaje, heta surjoznaje niezadavalnieńnie i rasčaravańnie ŭładaj u nasielnictva, vyklikanaje paharšeńniem materyjalnaha i sacyjalnaha stanovišča, a taksama adsutnaściu va ŭłady zrazumiełaj prahramy pieraadoleńnia kryzisu. Pavodle słoŭ Kalakina, hety faktar abjektyŭna pabudžaje ludziej da pošuku pazityŭnaj alternatyvy raźvićcia i stvaraje pieradumovy dla rostu palityčnaj aktyŭnaści nasielnictva.
Pa-druhoje, mocny ŭpłyŭ na biełarusaŭ praciahvajuć akazvać padziei ŭ susiedniaj Ukrainie. «U hałovy ludziej ŭbivajecca dumka, što apanienty ŭłady, prapanoŭvajučy pieramieny, pryviaduć krainu da chaosu i hramadzianskaj vajny, tamu treba abjadnacca vakoł dziejnaj ułady, jakaja zabiaśpiečyć mir i stabilnaść. Heta, biezumoŭna, chłuśnia, ale jana ŭździejničaje na ludziej», — skazaŭ Kalakin.
Pa-treciaje, miarkuje palityk, ułady mohuć imknucca padaŭlać volu i palityčnuju aktyŭnaść ludziej, niezakonna vykarystoŭvajučy miery siłavoha cisku na palityčnych apanientaŭ.
Na dumku Kalakina, hetyja faktary nieabchodna ŭličvać, prymajučy rašeńnie ab farmacie ŭdziełu partyi ŭ sioletniaj vybarčaj kampanii.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary