Aktyvist bałharskaj nieanacyskaj partyi prosić palityčnaha prytułku ŭ Biełarusi
Aktyvist bałharskaj nacyjanalistyčnaj partyi «Ataka» Maryjo Punčaŭ prosić dać jamu palityčnaje prytułku ŭ Biełarusi. Jon źviarnuŭsia da staršyni Libieralna-demakratyčnaj partyi Biełarusi Siarhieja Hajdukieviča z prośbaj akazać jamu ŭ hetym sadziejničańnie, paviedamlaje pres-słužba ŁDP.
Zvarot bałharskaha aktyvista na imia Alaksandra Łukašenki ŁDP nakiravała ŭ Administracyju prezidenta.
U liście Łukašenku 52-hadovy Punčaŭ piša, što źjaŭlajecca «adnym z zasnavalnikaŭ nacyjanalistyčnaj i patryjatyčnaj partyi «Ataka», ciapier u partyi finansavyja prablemy i jon zastaŭsia biez pracy. «Ja ŭžo dziesiać hadoŭ abaraniaju niaŭdzieł Bałharyi ŭ Jeŭrasajuzie i NATO. Ja šmat razoŭ vystupaŭ za pryniaćcie Bałharyi ŭ Jeŭrazijski sajuz. Praŭradavy palityčny kłas u Bałharyi poŭnaściu padnačaleny Jeŭrasajuzu i Amierycy, tamu mnie kažuć, što ja z «Ataki», a tamu mianie nie mohuć prymać u dziaržaŭnyja i pryvatnyja struktury. Mahu skazać, heta tatalnaja dyskryminacyja. U majoj žonki zakryli drobny biźnies… Usich, chto vystupaje ŭ abaronu Jeŭrazijskaha sajuza i družbu z Rasijaj i Biełaruśsiu, u Bałharyi čakajuć niepryjemnaści. Ja nie chaču žyć u krainie, u jakoj dyskryminujuć inšadumcaŭ», — napisaŭ Punčaŭ.
Jon adznačyŭ, što sam i jaho žonka simpatyzujuć Biełarusi i Łukašenku. «Mnie nadakučyła žyć u kałonii ES i ZŠA. Ja i maja siamja žadajem žyć u narmalnaj krainie, dzie buduć pavažać našy pohlady, palityčnyja i na žyćcio… Tamu ja prašu palityčnaha prystanišča, pavažany spadar prezident, dla mianie i majoj žonki ŭ Respublicy Biełaruś, respublicy svabody», — źviarnuŭsia Punčaŭ da Łukašenki.
«Ataka» — bałharskaja nacyjanalistyčnaja partyja, zasnavanaja ŭ 2005 hodzie. Siarod patrabavańniaŭ partyi — nacyjanalizacyja ŭsich pryvatnych kampanij, vychad z NATO i ES, pryznańnie pravasłaŭja jak aficyjnaj relihii, adnaŭleńnie dobrych adnosin z Rasijaj.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary