Što ŭjaŭlaje ź siabie pieršaja rasiejskaja pravasłaŭnaja sacsietka 

Jak akazałasia, u rasiejskich pravasłaŭnych jość svaja sacyjalnaja sietka, jakaja naličvaje amal 34 tysiačy karystalnikaŭ. Bolš za toje, zusim niadaŭna joj spoŭniŭsia hod. «Naša Niva» vyśvietliła, pa jakich praviłach stasujucca pravasłaŭnyja, za kaho jany molacca, i ci jość pravasłaŭny humar. 

Pavialičyć

Što takoje «Jelicy»?

Pra heta raspaviadaje hałoŭnaja staronka sajta, jakaja sa startu sustrakaje ciabie słovami: «Šukajcie siabroŭ, ź jakimi budziecie malicca, a nie platkaryć».

Pavialičyć

Sacyjalnaja pravasłaŭnaja sietka «Jelicy» stvorana pa błasłavieńni Patryjarcha Maskoŭskaha i ŭsiaje Rusi dla abjadnańnia pravasłaŭnych chryścijan. Vy jak pravasłaŭny karystalnik možacie znajści tut adnadumcaŭ, siabroŭ dla znosin, atrymać paradu ad śviatara, paŭdzielničać u sabornaj malitvie, roznych carkoŭnych i mižparafijalnych mierapryjemstvach, paŭdzielničać u abmierkavańni padziej pravasłaŭnaha śvietu i nie tolki.

Asnoŭny profil

Akramia proźvišča, imia i daty naradžeńnia vas prosiać paznačyć niabiesnaha apiekuna (čyjo imia vam dali pry chryščeńni) i siamiejnaje stanovišča. Tut ža možacie paznačyć, hatovyja vy da znosin ci nie.

Sacyjalnaja sietka daje mahčyma zarehistravacca nie tolki prostym prychadžanam, ale i ŭ jakaści śviatara, ale tady pryjdziecca prajści vieryfikacyju i zapoŭnić hrafy «duchoŭnaja ŭstanova», «data postryhu», «tytuł», «data chiratonii» i hetak dalej. Kab zarehistravacca jak «misijanier», treba pakazać zvańnie i prykłaści skan dypłoma.

Paśla vy možacie znajści svoj chram na mapie i dadać svaju parafiju.

Dalej usio jak zvyčajna: padpisvajeciesia na viadomych asob i znachodzicie siabroŭ-viernikaŭ.

Tut, darečy vielmi nie lubiać zamiežnyja słovy, časam dapisvajuć pierad jahonym užyvańniem słova «prabačcie». Navat słova «avatar» vyklikaje svarki, bo jano nie ruskaje, a asabliva kreatyŭnyja prapanoŭvajuć zamianić jaho na «lik» ci «vobraz». 

Z kim razmaŭlać?

Ahułam tut zarehistravana kala 34 tysiač karystalnikaŭ. Choć bolšaść akaŭntaŭ zabytyja i zakinutyja. Usiaho ŭ sacsietcy zarehistravana kala 600 śviataroŭ, ale naŭprost pytańnie zadać možna pakul tolki dla 17 ź ich. U ich jość svoj rejtynh — pa staršynstvie sanu i liku adkazaŭ. Z anłajn-baciuškaŭ samy cikavy, napeŭna, KibierPop — papularny śviatar i videabłohier Andrej Fiadosaŭ, instruktuje i adkazvaje na pytańni ŭ styli YouTube-ahladaŭ.

Pavialičyć

Z samych viadomych pierson u «Jelicy» zarehistravany Patryjarch Kirył. Na staroncy jaho možna pabačyć roznyja videazvaroty pra niedapuščalnaść hrešnaha ładu žyćcia i fota z carkoŭnych mierapryjemstvaŭ.

Jość tut i miascovy Duraŭ — Valeryj Čapuchalin, jaki pościć na svajoj staroncy malitvy za Ukrainu i Ruski šlach. Čapuchalin raspavioŭ u intervju Meduza, što svabody słova ŭ jahonaj sacsietcy niama. I, miarkujučy pa ŭsim, sajt prytrymlivajecca davoli adnaznačnych palityčnych pohladaŭ. Pryjdziecca zdavolvacca cytatami ź Biblii na kožny dzień i receptami smačnaj i zdarovaj ježy.

Supołki

Heta samaje cikavaje. Palityki tut niama. Jość para supołak, jakija retranślujuć aficyjnuju pazicyju Rasii ŭ pohladach na śviet. U niekatorych ź ich navat pramova Łaŭrova vyhladaje jak vystup baciuški padčas słužby. Jak jany heta robiać, nie zrazumieła. Dla tych, chto zasumavaŭ pa palitycy, to na «Jelicy» poŭna placovak dla hutarak na śvieckija temy: «Navarosija i śviet», «terytoryja patryjatyzmu», «Pucin i pravasłaŭje».

Tut časam možna pračytać pra Pucina jak śviatoha čałavieka, malitvy za jaho i Vialikuju Rasiju ź vialikaj litary. Siarod kamientaroŭ pad vystupami prezidenta možna sustreć i takoje: «Cikava daviedacca, kolki času ŭ hrafiku prezidenta advodzicca na malitvu i čytańnie Sv. Pisańnia i na vyvučeńnie carkoŭna-słavianskaj movy?

Ci voś:

Pavialičyć

Najbolš zajmalnyja – heta malitvy ŭ supołkach. Tut lubiać malicca za mir va Ukrainie ci zabitych i raśpiatych dziaciej.

Voś adzin z varyjantaŭ, u jakim prosiać vyzvalić dušy i rozum ukraincaŭ ad djabła i panavańnia nad imi amierykanskich haspadaroŭ.

Pavialičyć

Ale chapaje tut i tych, chto aściarožna vykazvajecca pra palityku Pucina i nie zusim upeŭnieny ŭ pravilnaści jahonaha šlachu. Praŭda, takija vykazvańni ličacca hrešnymi i robiacca zvyčajna z paznakaj: «Ja nie mahu sudzić». Bo ŭsia ŭłada ad Boha.

Pavialičyć

Jość tut prastora i dla chobi, roznyja pabliki dla aŭtamabilistaŭ, spartsmienaŭ, amataraŭ kino i paezii. Na dobrym rachunku supolnaści nakštałt «Pravasłaŭnyja žartujuć» z aniekdotami i miemami na carkoŭnyja temy. Nu i kociki, viadoma, kociki.

• 0
• 0
• 0
• 0
• 0
• 0
• 0
• 0