Śvietłahorca asudzili za videa, jak para zajmajecca seksam na vulicy
Za vyrab i raspaŭsiud parnahrafičnych materyjałaŭ jamu prysudzili dva hady pazbaŭleńnia voli z adterminoŭkaj na hod.
Śvietłahorsku rajonny sud asudziŭ 25-hadovaha miascovaha žychara da dvuch hadoŭ pazbaŭleńnia voli z adterminoŭkaj na hod. Chłopca pryznali vinavatym u vyrabie i raspaŭsiudzie parnahrafičnych materyjałaŭ. Pavodle rašeńnia suda ŭ jaho kanfiskavali kampjutar, fotaaparat i mabilnik.
Nahodaj stała historyja, jakaja adbyłasia ŭ 2014 hodzie. 8 žniŭnia małady śvietłahorac źniaŭ na videa, jak na nabiarežnaj niećviarozaja para pryludna zajmałasia seksam. Heta nazirali 10-15 čałaviek, u tym liku dzieci. Małady čałaviek kaža, što byŭ šakavany scenaj. Jon raźmiaściŭ videa na svajoj staroncy ŭ sacsietcy. Chłopiec kaža, što chacieŭ pieraścierahčy haradžan ad taho, što moža čakać ich i dziaciej na vulicach horada.
Praz dva dni paśla raźmiaščeńnia videa ŭ internecie śvietłahorca vyklikali ŭ milicyju. Jon ničoha nie admaŭlaŭ. Ekśpiertyza pryznała videa parnahrafijaj.
Chłopiec nie mieŭ sudzimaściaŭ, skončyŭ VNU pa ekanamičnaj śpiecyjalnaści, maje stanoŭčyja charaktarystyki. Na sudzie jon całkam pryznaŭ vinu, vydaliŭ zapis sa svajoj staronki, apublikavaŭ aficyjnyja prabačeńni, adšukaŭ pa sietcy kopii videa i paprasiŭ vydalić.
Advakat prasiła sud pakarać maładoha čałavieka administracyjna. Adnak prakuror nastojvaŭ, što dziejańni śvietłahorca nanosiać škodu hramadskaj marali. Sud pahadziŭsia z prakuroram.
Ciapier čytajuć
Bližejšym časam buduć vyzvaleny bolš za 150 palitźniavolenych7
Kamientary