Kiraŭnik francuzskich krajnie pravych Maryn Le Pien prybyła z čarhovym vizitam u Maskvu.
Pra heta ŭ aŭtorak, 26 traŭnia, paviedamiła ahienctva Reuters. Pry hetym u aficyjnaj prahramie lidara Nacyjanalnaha frontu, apublikavanaj na sajcie partyi, vizit Le Pien u Rasieju nie značycca, pieradaje Radio France International.
Jak paviedamlajecca na sajcie Dziarždumy RF, Maryn Le Pien sustrełasia sa śpikieram Siarhiejem Naryškinym.
U paviedamleńni nižniaj pałaty parłamienta adznačajecca, što Naryškin «pavinšavaŭ Maryn Le Pien z paśpiachovymi vybarami ŭ Jeŭraparłamient (jany prajšli 25 maja 2014 hoda — RFI), a taksama ŭ rehijonach, dzie Nacyjanalny front nabyŭ dadatkovyja miescy».
«Dasiahnuć takoha vyniku, atrymać simpatyi vybarščykaŭ atrymałasia dziakujučy vašamu asabistamu ŭpłyvu, novym partyjnym ustanoŭkam, jakija adpaviadajuć času i duchu sučasnaj Francyi», — źviarnuŭsia da Maryn Le Pien Naryškin. Pavodle jaho słoŭ, «siońnia Nacyjanalny front ŭvachodzić u lik viadučych palityčnych siłaŭ Francyi».
Ahienctva France-Presse adznačaje, što žurnalistam rasijskich i zamiežnych ŚMI, jakich spačatku zaprasili prysutničać na hetaj sustrečy, paźniej paviedamili, što jana projdzie pry začynienych dźviarach. Tranślacyja pieramovaŭ Naryškina i Le Pien pa rasijskim telebačańni taksama była admieniena.
Raniej Maryn Le Pien užo nieadnarazova pryjazdžała ŭ Maskvu i sustrakałasia ź Siarhiejem Naryškinym. Apošni raz jana była ŭ rasijskaj stalicy ŭ krasaviku 2014 hoda, praź niekalki tydniaŭ paśla anieksii Kryma, i vystupiła tady za fiederalizacyju Ukrainy.
Sa svajho boku, rasijskija parłamientaryi ŭdzielničali ŭ źjeździe Nacfrontu ŭ Lijonie ŭ kancy listapada 2014 hoda.
U vieraśni 2014 Nacyjanalny front atrymaŭ ad Pieršaha češska-rasijskaha banka kredyt pamieram 9 miljonaŭ jeŭra.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki37
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary