Na krasavik hetaha hoda zapasy hatovaj pradukcyi na składach arhanizacyj pramysłovaści vyraśli na 179,9 młrd rubloŭ i na 1 maja skłali 39,1 trłn rubloŭ, paviedamili ŭ Biełstacie.
Suadnosiny zapasaŭ hatovaj pradukcyi i siaredniamiesiačnaha abjomu vytvorčaści na 1 maja 2015 hoda skłali 84,6% suprać 83,9% na 1 krasavika 2015 hoda.
Najbolšaja ŭdzielnaja vaha ŭ zapasach hatovaj pradukcyi Biełarusi zajmaje pradukcyja arhanizacyj pa vytvorčaści mašyn i abstalavańnia (23,4%), vytvorčaści charčovych praduktaŭ, uklučajučy napoi, i tytuniu (20,8%) i vytvorčaści transpartnych srodkaŭ i abstalavańnia (11,3%).
U hornazdabyŭnoj pramysłovaści suadnosiny zapasaŭ hatovaj pradukcyi i siaredniamiesiačnaha abjomu vytvorčaści skłali 19,9% (na 1 maja 2014 hoda — 14,6%), u apracoŭčaj — 100,6% (96,8%), u tym liku ŭ charčovaj pramysłovaści — 76,9% (71,5%), drevaapracoŭčaj halinie — 174,4% (98,7%), celułozna-papiarovaj halinie i vydavieckaj dziejnaści — 99,8% (84,9%).
U mietałurhičnaj vytvorčaści hety pakazčyk na 1 maja skłaŭ 50,6% (59,1%), u vytvorčaści elektraabstalavańnia, elektronnaha i aptyčnaha abstalavańnia — 132,1% (130,5%), transpartnych srodkaŭ i abstalavańnia — 300% (178,7%).
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ67
Kamientary