Robata navučyli chadzić ź pierałamanymi nahami VIDEA
I nie prosta praciahvać dziejnaść z traŭmaj, a abirać najlepšy ałharytm pavodzin.
Inžyniery pradstavili ŭ časopisie Nature robata, zdolnaha adaptavacca da traŭmaŭ — pavukapadobny miechanizm zmoža zrazumieć, jak jamu chadzić ź niekalkimi złamanymi kaniečnaściami i jak pierasoŭvać rečy pierałamanym manipulataram.
Ałharytm reakcyi na kankretnyja traŭmy nie zadadzieny zahadzia — robat abiraje šerah madelej ruchu i ekśpierymientalnym šlacham znachodzić najlepšuju.
Na stvareńnie takoj reakcyi na traŭmy inžynieraŭ natchnili žyvyja istoty: pry traŭmie jany nie vučacca chadzić «z nula», a intuityŭna padbirajuć madeli ruchu i zatym ekśpierymientujuć, kab abrać najlepšuju.
Tak i robat bieź źniešniaj dapamohi aceńvaje dastupnuju jamu infarmacyju pra paškodžańni i praviaraje roznyja mahčymaści praciahvać dziejnaść. Kali nie atrymajecca chadzić na piarednich łapach — pasprabuje chadzić na zadnich.
Navyki samastojnaj adaptacyi da traŭmaŭ buduć asabliva karysnymi na inšych płanietach. Suviaź z marsachodam idzie ź vialikaj zatrymkaj (ad 4 da 22 chvilin) i dastupnaja nie ŭvieś čas (kala 16 z 24 hadzin na dzień). Tym bolš čałaviek pakul nie maje mahčymaści apieratyŭna źlatać na Mars, kab ułasnaruč paramantavać złamanuju ručku Opportunity ci Curiosity.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Kamientary