Biełarusi i Pakistanu treba surjozna papracavać nad raźvićciom ekanamičnaha składnika adnosin. Ab hetym Alaksandr Łukašenka zajaviŭ 28 maja na sustrečy z prezidentam Isłamskaj Respubliki Pakistan Mamnunam Chusejnam, pieradaje BIEŁTA.
Alaksandra Łukašenku, jaki prybyŭ da aficyjnaj rezidencyi Prezidenta Pakistana «Ajvan-je-Sadr», kala ŭvachoda ŭ rezidencyju sustreŭ Mamnun Chusejn. Prezidenty spačatku parazmaŭlali ŭ asabistym kabiniecie Mamnuna Chusejna sam-nasam, a zatym pradoŭžyli pierahavory z udziełam členaŭ delehacyi.
Kiraŭnik biełaruskaj dziaržavy źviarnuŭ uvahu na toje, što ŭ Biełarusi i Pakistana vielmi efiektyŭna raźvivajucca adnosiny. «U nas niama praktyčna nijakich prablem u śfiery palityki, my supracoŭničajem u mižnarodnych arhanizacyjach, padtrymlivajem adzin adnaho. Ja liču, hetym šlacham treba iści, padciahvajučy da hetaha supracoŭnictva i deputataŭ, i kiraŭnikoŭ viedamstvaŭ», — skazaŭ biełaruski lidar.
«Što datyčycca ekanomiki, tut nam treba surjozna papracavać», — ličyć jon.
«Adkryćcio pasolstva ŭ Isłamabadzie — heta pieršy značny krok z našaha boku, jaki śviedčyć ab tym, što my pryjšli da vas z vašaha dazvołu surjozna i nadoŭha», — padkreśliŭ Alaksandr Łukašenka.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary