Mahiloŭski žurnalist damohsia pakarańnia supracoŭnika abłsavieta
Za niepradastaŭleńnie knihi skarhaŭ i prapanoŭ čynoŭnik atrymaŭ štraf u pamiery 720 tysiač rubloŭ.
Mahiloŭski karespandent ahienctva BiełaPAN Uładzimir Łapcevič damohsia pryciahnieńnia da administracyjnaj adkaznaści hałoŭnaha śpiecyjalista Mahiloŭskaha abłasnoha Savieta deputataŭ.
Jaŭhien Nalhačoŭ nie vydaŭ žurnalistu knihu skarhaŭ i prapanovaŭ pa pieršym patrabavańni.
Łapcevič napisaŭ skarhu spačatku na imia staršyni Mahiloŭskaha abłsavieta, a zatym padaŭ zajavu ŭ milicyju. U vyniku raźbiralnictva Nalhačoŭ atrymaŭ ad načalstva dyscyplinarnaje spahnańnie, a ad milicyi — štraf u pamiery čatyroch bazavych vieličyń (720 tysiač rubloŭ). Svaju vinu čynoŭnik pryznaŭ.
Nahadajem, što Uładzimir Łapcevič bolš za hod nie moža patrapić na adkrytyja pasiadžeńni Mahiloŭskaha abłasnoha Savieta deputataŭ. Žurnalistu nie dajuć na heta dazvoł z roznych pryčynaŭ. Paśla adnoj z takich admovaŭ Łapcevič vyrašyŭ zrabić zapis u knizie skarhaŭ i prapanovaŭ. Raniej žurnalist moh biez prablemaŭ prysutničać na pasiadžeńniach i aśviatlać dziejnaść abłsavieta.
Kamientary