Kampanija «Biełaruśnafta» supolna z ahienctvam «Hruppa NEF» zapuściła turystyčny prajekt «Belarus N». Pa słovach aŭtaraŭ, nazva pakul moža być traktavanaja jak «Biełaruś nieviadomaja», ale jaje chočuć pakazać śvietu jak «Biełaruś Novaja».
Dla rekłamy prajektu była zapisanaja novaja viersija pieśni N.R.M. «Try čarapachi» (prypieŭ pakinuli kłasičny — «siurpryzaŭ nie budzie», a nie novy — «čakańnie dastała»). Na zapisie paznajecca hołas Lavona Volskaha, jaki pakinuŭ N.R.M. u 2011 hodzie.
Za pieršy hod u miežach prajektu płanujecca raspracavać 50 napramkaŭ vandrovak. Zapraŭki «Biełaruśnafty» vystupiać infarmacyjnymi punktami.
Raznastajnyja kampanii i pradpryjemstvy «Biełaruśnafta» zaprašaje da biaspłatnaha ŭdziełu ŭ prajekcie i raspracoŭcy maršrutaŭ. Naprykład, možna stvaryć «syrny maršrut» z muziejem syru, majstar-kłasam pa dajeńni karoŭ, ahrasiadzibaj, atrakcyjonami dy inšym — i ŭklučyć jaho ŭ inšyja maršruty.
Da kastryčnika budzie dapracavany sajt prajekta belarusn.by. Pakul jon viadziecca pa-rusku, paźniej źjavicca anhłamoŭnaja viersija (pra biełaruskuju nie paviedamlajecca). Taksama paźniej źjavicca mabilnaja prahrama i drukavany katałoh dla turystaŭ.
