Žurnalist «Radyjo Svaboda» Franak Viačorka apublikavaŭ u svaim tvitary list ad administracyi Pieršamajskaha rajonu Minska da kiraŭnikoŭ pradpryjemstvaŭ, arhanizacyj i ŭstanoŭ rajonu. «Što heta? «Pahoniu» viartajuć?» — paśmiajaŭsia jon.
«U suviazi sa źmienaj dziaržaŭnaj simvoliki Respubliki Biełaruś prašu da 1 červienia 2015 hoda da 12:00 pradstavić infarmacyju pra zroblenuju pracu», — piša namieśnik načalnika administracyi Je. A. Asadčaja.
Ad administracyi rajonu TUT.BY atrymaŭ tłumačeńnie: dziaržaŭny biełaruski ściah na samoj spravie źmianiŭsia ŭ 2012 hodzie pa pastanovie Dziaržstandartu.
Źmieny zakranuli pałasu z arnamientam: źnikli biełyja pali, čyrvony arnamient raściahnuŭsia va ŭsiu šyryniu pałasy. U astatnim ściah zastaŭsia takim ža čyrvona-zialonym.
Vyjava: SiBr4 via Wikipedia
***
Pieršym ściaham Respubliki Biełaruś byŭ bieł-čyrvona-bieły, pryniaty ŭ 1991 hodzie. Da taho bieł-čyrvona-bieły ściah vykarystoŭvaŭsia Biełaruskaj Narodnaj Respublikaj u 1918—1919 hh. U 1995 hodzie pa vynikach refierendumu dziaržaŭnym staŭ nieznačna madyfikavany ściah BSSR — čyrvona-zialony z pałasoj arnamientu, ale bieź siarpa i mołata.
Arnamient na čyrvona-zialonym ściahu byŭ vytkany ŭ 1917 hodzie Matronaj Markievič, sialankaj ź Viciebščyny. Na ściahu BSSR 1951—1991 hh. bieły arnamient raźmiaščaŭsia na čyrvonym fonie z čyrvonymi pałoskami pa bakach ad arnamientu, na ściahu 1995—2012 hh. — užo čyrvony arnamient na biełym fonie ź biełymi pałoskami. Ciapier biełych pałosak niama.
Čytajcie taksama: Refierendum 1995 hoda: jak asabistyja ambicyi i strachi pieravažyli nacyjanalnyja kaštoŭnaści — chronika i kadry