Šviejcarcy vyjavili sapraŭdnuju pryčynu dzir u syry
Z bakteryj i ich hazaŭ adkaznaść źniataja.
Navukoŭcy šviejcarskaj dziaržaŭnaj arhanizacyi Agroscope abvierhli upłyŭ bakteryj na pamier i kolkaść dzir u syry, paviedamlaje The Guardian.
Daśledavańnie pakazała: dziry ŭ syry ŭtvarajucca praz trapleńnie ŭ małako mikraskapičnych čaścinak siena.
Kala 98 hod ličyłasia, što dziry ŭ syry robiać bakteryi. Da takoj vysnovy pryjšoŭ u svaim daśledavańni 1917 hoda amierykaniec Uiljam Kłark. Pavodle jaho vysnoŭ, bakteryi pačynali razmnažacca paśla kisłamałočnaha bradžeńnia i vypracoŭvali vuhlakisły haz, što zastyvaŭ u syry.
Šviejcarcy zaŭvažyli, što za apošnija 10-15 hod pamier i kolkaść dzir u takich syrach jak «Emiental» i «Apiencel» źmienšyłasia, chacia technałohija ich vyrabu nie mianiałasia radykalna. Ale za apošni čas šviejcarcy pierajšli ad ručnoj dojki karoŭ da aŭtamatyčnych sistem.
Navukoŭcy pravieryli hipotezu ab tym, što na kolkaść i pamier dzir upłyvajuć prymiesy ŭ małaku sałamianaha pyłu i mikračaścinak siena, što ŭ mienšaj kolkaści traplajuć u małako pry aŭtamatyzavanaj dojcy.
Praz rehulavańnie pamieru čaścinak siena ŭ małace navukoŭcy zdoleli kiravać kolkaściu i abjomam dzir u kančatkovym pradukcie. Heta paćvierdziła hipotezu, ale nie dała adnaznačnaha tłumačeńnia poŭnaha miechanizmu ŭźniknieńnia dzir u syry.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary