«Paviedamleńnie pryjšło ŭ pieršaj pałovie dnia 30 maja. Praz prahramu WhatsApp. Tam byŭ paznačany zamiežny numar».
«U paviedamleńni było napisana «Spajs! Chutkaść! Lehalna!» — sihnalizavaŭ u redakcyju Jeŭraradyjo žychar Minska Juryj M.
Jašče niekalki abanientaŭ mabilnych apierataraŭ paćvierdzili Jeŭraradyjo, što atrymali takoje ž paviedamleńnie.
Vidavočna, raźlik byŭ na toje, što mienavita 30 maja padčas apošniaha zvanka, kali ałkahol pa ŭsioj krainie zabaranili pradavać, školniki dy inšyja patencyjnyja klijenty torknuć na «lehalny spajs».
Užo na nastupny dzień dylery pierastali adkazvać na paviedamleńni. A telefonny numar (jon byŭ, darečy, vjetnamski) byŭ vyklučany.
Kampietentnyja krynicy ŭ pravaachoŭnych orhanach patłumačyli, što takija sposaby prodažu narkotykaŭ dla Biełarusi nie raspaŭsiudžanyja. Čaściej tak dziejničajuć u Rasii. Zbytčyki najmajuć chakieraŭ, jakija atrymlivajuć dostup da staronak ludziej u sacsietkach. Časta karystalniki fiksujuć tam svaje numary telefonaŭ. Jak praviła, ludzi karystajucca prahramami kštałtu WhatsApp i Viber, praź jakija i ździajśniajecca rassyłka paviedamleńniaŭ.
I, sapraŭdy, ludzi, jakija paviedamili ŭ Jeŭraradyjo pra «podźvihi» dyleraŭ padčas apošniaha zvanka, majuć na staronkach u sacyjalnych sietkach numary telefonaŭ.
Patencyjnyja klijenty, jakija klujuć na rassyłku narkadyleraŭ, zazvyčaj atrymlivajuć ad tych numary elektronnych kašalkoŭ, kudy praz płaciežnyja terminały ci prosta z kampjutaraŭ zaličvajucca hrošy. Paśla hetaha tak zvanyja «miniory» robiać «zakładku» (padkładajuć narkotyk u schovanku). I spažyviec atrymlivaje kaardynaty, jak zabrać adtul psichatrop.
Paśla vychadu antynarkatyčnaha Dekretu №6 dziejnaść dyleraŭ značna ŭskładniłasia, a ŭciahvańnie novaj moładzi ŭ narkaspažyvańnie skaraciłasia. Praktyčna ŭsie spajsy ŭ Biełarusi delehalizavali. A dla raspaŭsiudnikaŭ uviali istotnyja terminy pazbaŭleńnia voli. Raskryty šerah hrupovak, šerah inšych dyleraŭ vymušanyja byli źjechać z krainy ad nieminučaha pakarańnia.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam14
Kamientary